കോന്നി : ചെങ്ങറ കുരിശുംമൂട് ജംഗ്ഷൻ – പോളച്ചിറയ്ക്കൽ റോഡിൽ സ്ഥാപിച്ച തെരുവു വിളക്കുകളുടെ സ്വിച്ച് ഓൺ കര്മ്മം കോന്നി ഗ്രാമ പഞ്ചായത്ത് പ്രസിഡന്റ് റോജി ഏബ്രഹാം നിര്വ്വഹിച്ചു. വാർഡ് മെമ്പർ അജി മണ്ണിൽ അദ്ധ്യക്ഷത വഹിച്ചു. എൻ.എൻ രാജപ്പൻ, തോമസ് കാലായിൽ, ജോസഫ് കൊന്നപ്പാറ, ഏബ്രഹാം വാഴയിൽ, തോമസ് മാത്യു മാടപ്പള്ളിൽ, പി.എം ശമുവേൽ, പ്രസാദ് കോശി പോളച്ചിറക്കൽ, ജോണി തട്ടാശ്ശേരിൽ, റോബിൻ കാരാവള്ളിൽ, റോബിൻ സി.വൈ, മോഹൻ ചാമയിൽ, ഷിബു രാജ്, പഞ്ചായത്ത് സെക്രട്ടറി അജിത്.എച്ച്. എന്നിവർ പ്രസംഗിച്ചു.
കാലങ്ങളായി ഈ ഭാഗത്ത് സ്ട്രീറ്റ് ലൈറ്റുകള് ഇല്ലാത്തതിനാല് പ്രദേശത്ത് കാട്ടുപന്നികളുടെയും തെരുവ് നായകളുടെയും ശല്യം വ്യാപകമായിരുന്നു. കോന്നി കെ.എസ്.ഇ.ബി സെക്ഷന് ഓഫീസിന്റെ പരിധിയില് വരുന്ന ചെങ്ങറ ഗവണ്മെന്റ് എല്.പി സ്കൂള് ജംഗ്ഷന്, പഴയ പോസ്റ്റ് ഓഫീസ് ജംഗ്ഷന് റോഡ്, ഈട്ടിമൂട്ടില് പടി റോഡ്, കുരിശുംമൂട് ജംഗ്ഷന് – ഓര്ത്തഡോക്സ് പള്ളി സെമിത്തേരി റോഡ്, ചാന്ത് കാവില് പടി റോഡ് എന്നിവിടങ്ങളില് സ്ട്രീറ്റ് ലൈറ്റുകള് പ്രകാശിക്കുന്നില്ലെന്ന് വ്യാപകമായ പരാതി ഉയര്ന്നിരുന്നു.
