കൊച്ചി: നഗരത്തിലെ റോഡുകളില്നിന്ന് മഴവെള്ളം കാനയിലേക്ക് സുഗമമായി ഒഴുകിപ്പോകും വിധം കാനകളും ഓവുകളും തുടര്ച്ചയായി വൃത്തിയാക്കണമെന്ന് ഹൈക്കോടതി. കൊച്ചി നഗരത്തിലെ വെള്ളക്കെട്ടുമായി ബന്ധപ്പെട്ട ഹര്ജികളിലാണ് നിര്ദേശം. കാനകളിലേക്കും കനാലുകളിലേക്കും മാലിന്യങ്ങള് നിക്ഷേപിക്കുന്നവര്ക്കെതിരെ കര്ശന നടപടിയെടുക്കുകയും വേണമെന്ന് ജസ്റ്റിസ് ദേവന് രാമചന്ദ്രന് നിര്ദേശിച്ചു.
നഗരസഭ മാലിന്യനീക്കം കാര്യക്ഷമമാക്കുന്നതിനൊപ്പം വെള്ളമൊഴുകിപ്പോകാനുള്ള ഓവുകള്ക്ക് മുകളില് ഇരമ്പഴി മൂടികള് സ്ഥാപിക്കുകയും സംരക്ഷിക്കുകയും വേണമെന്ന് കോടതി നിര്ദേശിച്ചു. ഇതിനായി പോലീസ് നടപടിയെടുക്കണം. മാലിന്യം വലിച്ചെറിയുന്നതിനെതിരെ ബോധവത്കരണം വേണം.