റാന്നി : തൊഴിലാളി വിരുദ്ധ ജനദ്രോഹ നടപടികളിൽ പ്രതിഷേധിച്ചുകൊണ്ട് സംയുക്ത ട്രേഡ് യൂണിയനുകളുടെ നേതൃത്വത്തിൽ 28,29, തീയതികളിൽ നടത്തുന്ന ദേശീയ പണിമുടക്കിന്റെ ഭാഗമായി റാന്നി റാന്നി തഹസില്ദാര്ക്ക് പണിമുടക്ക് നോട്ടീസ് നല്കി. അധ്യാപകരും സംസ്ഥാനത്തെ വിവിധ വകുപ്പിലെ ജീവനക്കാരും ഉൾപ്പെടുന്ന സമര സമിതിയുടെ നേതൃത്വത്തിലാണ് പണിമുടക്ക്.
റാന്നി ബ്ലോക്ക് ഓഫീസിൽ നിന്നും ആരംഭിച്ച പ്രകടനവും പൊതുയോഗവും താലൂക്ക് ഓഫീസിനു മുന്നിൽ ആക്ഷന് കൗണ്സില് സെക്രട്ടറി ബിജി കെ. നായര് ഉദ്ഘാടനം ചെയ്തു. സമരസമിതി സെക്രട്ടറി ഷാജഹാൻ അധ്യക്ഷത വഹിച്ചു. ടി.കെ സജി, ആര് മനോജ് കുമാർ, ബിനുകുമാർ, വിപിൻദാസ് എന്നിവർ പ്രസംഗിച്ചു.
