തൃശൂര് : വടക്കാഞ്ചേരിയില് അതിശക്തമായ കാറ്റില് പ്രദേശത്ത് വ്യാപക നാശനഷ്ടം. റെയില്വേ സ്റ്റേഷന് പരിസരത്ത് ഇലക്ട്രിസിറ്റി ലൈനിലേക്ക് തെങ്ങ് വീണ് 5 പോസ്റ്റുകള് തകര്ന്നു. ഇന്ന് രാവിലെ ഏഴ് മണിയോടെയായിരുന്നു സംഭവം. കഴിഞ്ഞദിവസം മണലിത്രയില് സുബ്രഹ്മണ്യന് എന്ന കൂലി തൊഴിലാളിയുടെ പുരയിടത്തിലേക്ക് തെങ്ങു വീണ് പുരയിടം പൂര്ണമായും തകര്ന്നിരുന്നു.
പോസ്റ്റുകള് മാറ്റി വൈദ്യുതിബന്ധം പുനസ്ഥാപിക്കാന് സമയമെടുക്കുന്നതിനാല് നാളെ ഉച്ച വരെ പ്രദേശത്ത് വൈദ്യുതി ബന്ധം ഉണ്ടാകില്ലെന്നും പ്രദേശവാസികള് സഹകരിക്കണമെന്നും കെഎസ്ഇബി അധികൃതര് അറിയിച്ചിട്ടുണ്ട്. റെയില്വേ സ്റ്റേഷന് ട്രാന്സ്ഫോമറില് നിന്നും തരകന് ഫാക്ടറി ഭാഗത്തേക്ക് വരുന്ന ലൈനില് തെങ്ങു വീണു 5 പോസ്റ്റ് പൊട്ടിയിട്ടുണ്ട്. ഇതിനാല് നാളെ ഉച്ച വരെ പ്രദേശത്ത് വൈദ്യുതി തടസപ്പെടുമെന്ന് സബ് എന്ജിനീയര് രതീഷ് രതീഷ് പറഞ്ഞു.
