ആലപ്പുഴ: തോട്ടപ്പള്ളി പൊഴിയില്‍ കുളിക്കാന്‍ ഇറങ്ങിയ വിദ്യാര്‍ത്ഥി മുങ്ങി മരിച്ചു. പുറക്കാട് പഞ്ചായത്ത് ഒമ്പതാം വാര്‍ഡില്‍ പാണ്ടിയന്‍ പറമ്പില്‍ ജഗദീഷ്- പ്രശാന്ത് ദമ്പതികളുടെ മകന്‍ ജീവനാണ് മരിച്ചത്. പല്ലന ഗവ. എല്‍ പി സ്‌കൂളിലെ നാലാം ക്ലാസ് വിദ്യാര്‍ത്ഥിയാണ്. മൃതദേഹം ആലപ്പുഴ മെഡിക്കല്‍ കോളേജ് ആശുപത്രിയിലേക്ക് മാറ്റി.
തോട്ടപ്പള്ളി ചിള്‍ഡ്രണ്‍ പാര്‍ക്കിന് പടിഞ്ഞാറ് തിങ്കള്‍ വൈകിട്ട് 3 ഓടെയായിരുന്നു ജീവന്‍ ഒപ്പമുണ്ടായിരുന്ന മൂന്ന് സുഹൃത്തുക്കള്‍ക്കൊപ്പം കുളിക്കാനിറങ്ങിയത്. നീന്തുന്നതിനിടെ മുങ്ങിത്താഴുകയായിരുന്നു. തോട്ടപ്പള്ളി തീരദേശ പോലീസും തകഴിയില്‍ നിന്നെത്തിയ ഫയര്‍ഫോഴ്‌സും നാട്ടുകാരും ചേര്‍ന്നു നടത്തിയ തെരച്ചിലിനൊടുവില്‍ രണ്ടു മണിക്കൂറിനു ശേഷം മൃതദേഹം കണ്ടെത്തുകയായിരുന്നു.
