റാന്നി : ഉതിമൂടിന് സമീപം നടന്ന വാഹനാപകടത്തില് പരിക്കേറ്റ വിദ്യാര്ത്ഥി മരണമടഞ്ഞു. റാന്നി ഐത്തല ഇടയാടിയില് സാബു ജോസഫിന്റെ മകന് ആരോണ് സാബു (18) ആണ് മരിച്ചത്. ഇന്നലെ വൈകിട്ട് ഏഴരയോടെ മണ്ണാറകുളഞ്ഞിക്കും ഉതിമൂടിനും ഇടയിലാണ് അപകടം നടന്നത്. ആരോണ് ഓടിച്ചിരുന്ന ഇരുചക്ര വാഹനം ഓടയിലേക്ക് മറിയുകയായിരുന്നു. തിരുവല്ലയിലെ സ്വകാര്യ മെഡിക്കല് കോളേജില് പ്രവേശിപ്പിച്ച ആരോണ് രാത്രിയോടെ മരണത്തിന് കീഴടങ്ങുകയായിരുന്നു. ഈട്ടിചുവട് എബനേസര് ഹയര് സെക്കൻഡറി സ്കൂളിലെ പ്ലസ്ടു വിദ്യാര്ത്ഥിയായിരുന്നു ആരോണ്. മുന് ഐത്തല വാര്ഡംഗമാണ് ആരോണിന്റെ മാതാവ് കൊച്ചുമോള് സാബു.സഹോദരന് ബെനോ.സംസ്ക്കാരം പിന്നീട്.
