തിരുവനന്തപുരം : ഡോളര് കടത്ത് കേസുമായി ബന്ധപ്പെട്ട് കസ്റ്റംസ് ചോദ്യം ചെയ്യാനിരിക്കെ നിയമസഭാ സ്പീക്കര് ശ്രീരാമകൃഷ്ണന് ആത്മഹത്യക്ക് ശ്രമിച്ചുവെന്ന തരത്തില് വാര്ത്ത നല്കിയതിന് ക്രൈം നന്ദകുമാറിനെതിരെ വക്കീല് നോട്ടീസ്. സ്പീക്കര് ആത്മഹത്യയ്ക്ക് ശ്രമിച്ചു എന്ന രീതിയില് ക്രൈം സ്റ്റോറിയിലൂടെയും, ഓണ്ലൈന് മാധ്യമത്തിലൂടേയും അപവാദ പ്രചരണം നടത്തിയതിനാണ് അഡ്വ.ടി കെ സുരേഷ് മുഖേന മാനനഷ്ടത്തിന് നോട്ടീസ് നല്കിയത്.
നോട്ടീസ് കിട്ടി ഏഴ് ദിവസത്തിനുള്ളില് സ്പീക്കര്ക്കെതിരെ അപവാദപ്രചരണം നടത്തിയ ലേഖനവും, വീഡിയോയും സമൂഹമാധ്യമങ്ങളില് നിന്നും പിന്വലിച്ച്, നിരുപാധികം മാപ്പു പറഞ്ഞില്ലെങ്കില്, സിവിലായും, ക്രിമിനലായും നടപടി സ്വീകരിക്കും എന്നാണ് നോട്ടീസില് വ്യക്തമാക്കിയിരിക്കുന്നത്.
അമിതമായി ഉറക്ക ഗുളികള് കഴിച്ചായിരുന്നു സ്പീക്കറിന്റെ ആത്മഹ്യാ ശ്രമമെന്നും വാര്ത്തയില് പറഞ്ഞിരുന്നു. എന്നാല് വാര്ത്ത നിഷേധിച്ച് സ്പീക്കര് ശ്രീരാമകൃഷ്ണന് നേരിട്ട് രംഗത്തെത്തിയിരുന്നു.
