മംഗളൂരു : മലയാളി വിദ്യാര്ത്ഥിനി മംഗളൂരുവില് തൂങ്ങിമരിച്ച സംഭവത്തില് സുഹൃത്തും സഹപാഠിയുമായ വിദ്യാര്ത്ഥിക്കെതിരെ പോലീസ് കേസെടുത്തു. 22-കാരിയായ ഭുവന ബാബു താമസസ്ഥലത്ത് തൂങ്ങി മരിച്ച സംഭവത്തിലാണ് സഹപാഠിയും മലയാളിയുമായ അല്ത്താഫിനെതിരെ പോലീസ് ആത്മഹത്യാപ്രേരണയ്ക്ക് കേസെടുത്തത്. വെള്ളിയാഴ്ച വൈകീട്ടായിരുന്നു ഭുവന ആത്മഹത്യ ചെയ്തത്.
തൃശൂര് ഇളന്തുരുത്ത് കാര്യാട്ടുകര കുറ്റിക്കാട്ടുപറമ്പില് വീട്ടില് ബാബുവിന്റെ മകളാണ് ആത്മഹത്യ ചെയ്ത ഭുവന. മംഗളൂരുവില് പേയിംഗ് ഗസ്റ്റായി താമസിക്കുന്ന വീട്ടിലായിരുന്നു വിദ്യാര്ത്ഥിനി ജീവനൊടുക്കിയത്. ബെല്മേട്ട യേനപ്പോയ കോളേജിലെ ഫോറന്സിക് സയന്സ് അവസാന വര്ഷ വിദ്യാര്ത്ഥിനിയായിരുന്നു.
