തിരുവനന്തപുരം : ഞായറാഴ്ച്ച ലഹരി വിരുദ്ധദിനമായതിനാല് മദ്യപിക്കുന്നവര്ക്ക് ഒരു പ്രത്യേക അറിയിപ്പുണ്ട്. നാളെ സമ്പൂര്ണ ഡ്രൈ ഡേ ആണ്. എവിടെ നിന്നും ഒരു തുള്ളി മദ്യം കിട്ടില്ല. ഞായറാഴ്ച്ച ദിവസം അല്പം മദ്യപിച്ച് വീട്ടിലിരിക്കാമെന്ന് കരുതുന്നവരുടെ കണക്കുകൂട്ടലുകളെല്ലാം തെറ്റും. ഇന്ന് ബിവറേജസ് ഔട്ട്ലെറ്റുകളില് നല്ല തിരക്കുണ്ടാവും. നാളെ ബിവറേജസ് ഔട്ട്ലെറ്റുകള് തുറക്കില്ലെന്ന് കാട്ടി സമൂഹമാധ്യമങ്ങളില് പല തരത്തിലുള്ള രസകരമായ പോസ്റ്റുകളാണ് പ്രചരിക്കുന്നത്. അവയിലൊന്ന് ഇങ്ങനെയാണ്.
നാളെ ലഹരി വിരുദ്ധ ദിനമാണ്. കള്ളോ ലിക്വറോ വേണ്ടവര് കരുതുക. ആശങ്ക വേണ്ട, ജാഗ്രത മതി. പൊതുജന താല്പര്യാര്ത്ഥമാണ് അടിയന് ഈ പോസ്റ്റിടുന്നത്. പഴേ ജവാന്മാരെ തിരക്കി എന്നെ വിളിക്കരുതെന്ന് സാരം’. തിരക്കു കുറയ്ക്കാന് 175 പുതിയ മദ്യശാലകള് കൂടി ആരംഭിക്കണമെന്ന ബെവ്കോ എംഡിയുടെ ശുപാര്ശ സര്ക്കാരിന്റെ പരിഗണനയിലാണ്. ശുപാര്ശ പൂര്ണമായി അംഗീകരിച്ചാല് ഇപ്പോഴുള്ളതിനു പുറമേ 253 മദ്യശാലകള് കൂടി വരും. ഇതോടെ സംസ്ഥാനത്താകെ 562 മദ്യവില്പന ശാലകളാകും. നിലവില് ബെവ്കോയ്ക്കും കണ്സ്യൂമര്ഫെഡിനുമായി 306 മദ്യശാലകളാണുള്ളത്.
മയക്കുമരുന്നിന്റെ ഉപയോഗത്തിനും അനധികൃത കടത്തിനും എതിരായ സന്ദേശം പ്രചരിപ്പിക്കുന്നതിനായാണ് ലഹരി വിരുദ്ധദിനം ആചരിക്കുന്നത്. ജൂണ് 26 ലോക ലഹരിവിരുദ്ധ ദിനമായി ഐക്യരാഷ്ട്ര സഭയുടെ പൊതു അസംബ്ലി ആചരിച്ചു തുടങ്ങുന്നത് 1987 ഡിസംബറിലാണ്. ചൈനയിലെ കറുപ്പ് വ്യാപാരത്തെ ചെറുക്കാന് നടത്തിയ ശ്രമങ്ങളെ അനുസ്മരിക്കുന്ന ദിനം കൂടിയാണിത്. ചൈനയില് നടന്ന ഒന്നാം കറുപ്പ് യുദ്ധത്തിന് മുന്നോടിയായി അവിടെ വ്യാപകമായിരുന്ന കറുപ്പ് വ്യാപാരത്തെ ചെറുക്കാന് ലീന് സെക്സു ധീരമായ ശ്രമങ്ങള് നടത്തിയിരുന്നു. ഇതിന്റെ ഓര്മ്മപ്പെടുത്തല് എന്ന നിലയില് ലോക ലഹരി വിരുദ്ധ ദിനം ആചരിക്കുന്നത്.