ചെങ്ങന്നൂര് : കാരയ്ക്കാട് കസവ് സാംസ്കാരിക സമിതിയുടെ രണ്ടാമത് കസവ് പുരസ്കാരം കെ.ജയകുമാറിന് ലഭിച്ചു. ചെങ്ങന്നൂർ എം.എൽ.എ സജി ചെറിയാൻ പുരസ്കാരം കൈമാറി. കല, സാഹിത്യം, സംസ്കാരം, പൊതുഭരണം എന്നീ മേഖലകളിലെ സമഗ്ര സംഭാവനകളും മാതൃഭാഷയ്ക്കും കേരളത്തിന്റെ വികസനത്തിനും നൽകിയ നിസ്തുല സേവനങ്ങളും പരിഗണിച്ചാണ് അവാർഡ് നൽകിയത്. 20000 രൂപയും പ്രശസ്തി പത്രവും ഫലകവും അടങ്ങുന്നതാണ് അവാർഡ്. കസവ് പ്രസിഡണ്ട് കൃഷ്ണകുമാർ കാരയ്ക്കാട് അധ്യക്ഷത വഹിച്ചു. സെക്രട്ടറി ശ്രീരാജ് കെ. സ്വാഗതം ആശംസിച്ചു.
സംഘാടക സമിതി ചെയർമാൻ വി.ആർ സതീഷ് കുമാർ ആമുഖ പ്രഭാഷണം നടത്തി. ജനറൽ കൺവീനർ പി.ആർ വിജയകുമാർ പ്രശസ്തി പത്രം വായിച്ചു. മുളക്കുഴ ഗ്രാമപഞ്ചായത്ത് പ്രസിഡന്റ് സജിത മനു, ബ്ലോക്ക് പഞ്ചായത്ത് സ്റ്റാൻഡിംഗ് കമ്മിറ്റി ചെയർപേഴ്സൺ അനു റ്റി., പഞ്ചായത്ത് ക്ഷേമകാര്യ സ്റ്റാൻഡിംഗ് കമ്മിറ്റി ചെയർപേഴ്സൺ സുരേഷ് കുമാർ പി.ജി., കസവ് വനിത വിഭാഗം സെക്രട്ടറി ഷീല ജയൻ, എഴുത്തുകാരി ബിന്ദു ആർ.തമ്പി, ജോയിന്റ് സെക്രട്ടറി സുരേഷ് ബാബു വി.കെ, വൈസ് പ്രസിഡണ്ട് ഷജിവ് കെ.നാരായണൻ തുടങ്ങിയവര് സംസാരിച്ചു.
