പത്തനംതിട്ട: സപ്ലൈകോയിലെ പത്തു വർഷമായ താത്കാലിക ജീവനക്കാരെ സ്ഥിരപ്പെടുത്തണമെന്നും ജീവനക്കാർക്ക് മിനിമം കൂലി നടപ്പിലാക്കണമെന്നും പത്തനംതിട്ട ജില്ലാ സപ്ലൈകോ വർക്കേഴ്സ് ഫെഡറേഷൻ ജില്ലാ കൺവൻഷൻ (എ.ഐ.ടി.യു.സി) പ്രമേയത്തിലൂടെ ആവശ്യപ്പെട്ടു. പത്ത് മണിക്കൂർ മുതൽ 11 മണിക്കൂർ വരെയാണ് ഈ തൊഴിലാളികൾ ഇപ്പോള് ജോലി ചെയ്യുന്നതെന്നും കണ്വന്ഷന് ചൂണ്ടിക്കാട്ടി. കൺവൻഷൻ എ. ഐ.ടി.യു സി ജില്ലാ സെക്രട്ടറി ഡി.സജി ഉത്ഘാടനം ചെയ്തു, യൂണിയൻ ജില്ലാ വൈസ് പ്രസിഡന്റ് ആർരാജേന്ദ്രൻ അധ്യക്ഷത വഹിച്ചു. അജ്മൽ, സജികുമാർ, മഞ്ചേഷ്, ഷാഹിദ എന്നിവർ പ്രസംഗിച്ചു.
