കൊച്ചി : സപ്ലൈകോ ജീവനക്കാരുടെ ശമ്പള പരിഷ്കരണം, കോമണ് സര്വീസ് റൂള് നടപ്പാക്കല്, യൂണിയന് പ്രതിനിധികള് ഉന്നയിച്ച ജീവനക്കാരുടെ മറ്റു പ്രശ്നങ്ങള് എന്നിവയില് അടിയന്തിര നടപടി സ്വീകരിക്കാന് ലേബര് കമ്മീഷണര് ഡോ.എസ്.ചിത്ര സപ്ലൈകോ മാനേജ്മെന്റിന് നിര്ദേശം നല്കി. പുനഃസംഘടിപ്പിച്ച സപ്ലൈകോ വ്യവസായ ബന്ധ സമിതിയുടെ യോഗത്തിലാണ് കമ്മീഷണര് നിര്ദേശം നല്കിയത്. തിരുവനന്തപുരത്ത് തൊഴില്ഭവനില് ചേര്ന്ന യോഗത്തില് ഭക്ഷ്യ പൊതുവിതരണ വകുപ്പ് അഡീഷണല് സെക്രട്ടറി ജെസി ജോര്ജ്, അഡീഷണല് ലേബര് കമ്മീഷണര് കെ.ശ്രീലാല്, മാനേജ്മെന്റ് പ്രതിനിധികള് തെഴിലാളി സംഘടനാ പ്രധിനിധികള് തുടങ്ങിയവര് പങ്കെടുത്തു.
