കോന്നി : കോന്നിയിൽ മലയോര മേഖലയിൽ അടക്കം സ്വകാര്യ വ്യക്തികൾ വിതരണം ചെയ്യുന്ന കുടിവെള്ളം വേണ്ടത്ര പരിശോധനകൾ ഇല്ലാതെ എന്ന് പരാതി. കോന്നിയുടെ വിവിധ സ്ഥലങ്ങളിൽ കുടിവെള്ള ക്ഷാമം രൂക്ഷമായതോടെ സ്വകാര്യ വ്യക്തികളെ ആശ്രയിച്ചാണ് കുടിവെള്ളം എത്തുന്നത്. എന്നാൽ കോന്നി, തണ്ണിത്തോട്, സീതത്തോട്, ചിറ്റാർ തുടങ്ങി വിവിധ സ്ഥലങ്ങളിൽ ഇത്തരത്തിൽ കുടിവെള്ളം എത്തിക്കുന്നുണ്ട്. എന്നാൽ ഇത് വേണ്ടത്ര പരിശോധനകൾ ഇല്ലാതെയാണ് കൂടുതലും വിതരണം ചെയ്യുന്നതെന്നാണ് ആക്ഷേപം. മാത്രമല്ല കുടിവെള്ള ടാങ്കുകൾ കൃത്യമായ രീതിയിൽ വൃത്തിയാക്കുന്നില്ലെന്നും വിതരണം ചെയ്യുന്ന വെള്ളം കൃത്യമായ പരിശോധനകൾ ഇല്ലാതെയാണ് വിതരണം ചെയ്യുന്നതെന്നും ആക്ഷേപമുണ്ട്.
