ജയ്പുർ : ദക്ഷിണാഫ്രിക്കയിൽ നിന്ന് തിരിച്ചെത്തിയ നാലു പേർ ഉൾപ്പെടുന്ന ഒരു കുടുംബത്തിലെ ഒൻപത് പേർക്ക് കൊവിഡ് സ്ഥിരീകരിച്ചു. രാജസ്ഥാനിലെ ജയ്പുരിലാണു സംഭവം. ദക്ഷിണാഫ്രിക്കയിൽ നിന്ന് തിരിച്ചെത്തിയ നാല് പേരെയും രാജസ്ഥാൻ യൂണിവേഴ്സിറ്റി ഓഫ് ഹെൽത്ത് സയൻസിൽ പ്രവേശിപ്പിച്ചു.
ജനിതക പരിശോധനയ്ക്കായി ഒൻപതു പേരുടെയും സ്രവം എടുത്തതായി ദേശീയ മാധ്യമത്തോട് ആരോഗ്യ പ്രവർത്തകൻ പറഞ്ഞു. കുടുംബത്തിൽ ആകെ 14 പേരിൽ ഒൻപത് പേരുടെ ഫലമാണ് പോസിറ്റിവ് ആയത്. സംസ്ഥാനത്തു നിലവിൽ 213 കേസുകളാണു പുതിയതായി ഉള്ളത്. ഇതിൽ 114 എണ്ണവും ജയ്പുരിൽ നിന്നാണ്.
