ഇടുക്കി : പോലീസ് ജീപ്പിനുള്ളില്‍ വനിത എസ്ഐയെ അപമാനിക്കാന്‍ ശ്രമിച്ച സംഭവത്തില്‍ പോലീസ് ഡ്രൈവര്‍ സിയാദിനെ സസ്പെന്ഡ് ചെയ്തു. തൊടുപുഴ സ്റ്റേഷനിലാണ് സംഭവം. സര്‍വ്വീസില്‍ നിന്ന് വിരമിക്കാറായ വനിത എസ്ഐ ഡ്രൈവര്‍ക്കൊപ്പം രാത്രി പട്രോളിംഗിന് പോകുന്നതിനിടെയാണ് സംഭവം. തൊട്ടടുത്ത ദിവസം എസ്ഐ മേലുദ്യോഗസ്ഥനോട് പരാതിപ്പെടുകയായിരുന്നു. തുടര്‍ന്ന് നടത്തിയ അന്വേഷണത്തിലാണ് ജില്ലാ പോലീസ് മേധാവി സിയാദിനെ സസ്പെന്ഡ് ചെയ്തത്. ഇടുക്കി എആര്‍ ക്യാമ്പില്‍ നിന്ന് വര്‍ക്ക് അറേഞ്ച്മെന്റിലാണ് സിയാദ് പോലീസ് ഡ്രൈവറായി തൊടുപുഴ പോലീസ് സ്റ്റേഷനിലെത്തിയത്.
