റാന്നി : മനുഷ്യ മനസ്സിലെ മാലിന്യങ്ങൾ നീക്കുമ്പോൾ ശാന്തിയും സമാധാനവും ഉണ്ടാവുമെന്ന് സ്വാമി ദയാനന്ദ സരസ്വതി പറഞ്ഞു. തിരുവിതാംകൂർ ഹിന്ദു ധർമ്മ പരിഷന്റെ എഴുത്തിയേഴാമത് വാർഷിക പൊതുയോഗം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. മക്കൾക്കുവേണ്ടി നമ്മൾ സമ്പാദിച്ചു കൊടുക്കേണ്ടത് അറിവും അവബോധവും ആണ്. നല്ല മനുഷ്യരായി സമൂഹത്തിൽ ജീവിക്കാൻ അവരെ പഠിപ്പിക്കണം. കർമ്മത്തിലൂടെ വ്യക്തികളെ പാകപ്പെടുത്തി എടുക്കണമെന്നും അദ്ദേഹം പറഞ്ഞു. പരിഷത്ത് പ്രസിഡണ്ട് പി എൻ നീലകണ്ഠൻ നമ്പൂതിരി അധ്യക്ഷത വഹിച്ചു.
സിവിൽ സർവീസ് പരീക്ഷയിൽ ഉന്നത വിജയം കരസ്ഥമാക്കിയ ഹൃദ്യ എസ് വിജയൻ പരിഷത്തിന്റെ ഉപഹാരം സ്വാമിജിയിൽ നിന്നും ഏറ്റുവാങ്ങി. ശ്രീനി ശാസ്താം കോവിൽ, ജഗദമ്മ രാജൻ , ടിഎസ് സോമൻ ,പി ജി പ്രസാദ്, ടി.സി കുട്ടപ്പൻ നായർ, എ.എന് ബാലൻ, രാജേഷ് അനമാഠം, ഭദ്രൻ കല്ലയ്ക്കൽ, ചന്ദ്രമോഹൻ എന്നിവർ പ്രസംഗിച്ചു.
