കൊച്ചി : മുഖ്യമന്ത്രി പിണറായി വിജയന് അടക്കമുള്ളവര്ക്കെതിരെ ഗുരുതര ആരോപണങ്ങളുമായി സ്വര്ണക്കടത്ത് കേസ് പ്രതി സ്വപ്ന സുരേഷ്. 2016ല് മുഖ്യമന്ത്രി ദുബൈയിലേക്ക് പോയപ്പോള് മറന്നുവെച്ച കറന്സിയടങ്ങുന്ന ബാഗ് എം. ശിവശങ്കറിന്റെ നിര്ദേശപ്രകാരം നയതന്ത്ര പ്രതിനിധിയുടെ കൈവശം അവിടെയെത്തിച്ചെന്നാണ് സ്വപ്നയുടെ പ്രധാന വെളിപ്പെടുത്തല്.
എറണാകുളം ജില്ല കോടതിയില് രഹസ്യമൊഴി രേഖപ്പെടുത്തിയ ശേഷമാണ് വെളിപ്പെടുത്തല്. 2016ല് മുഖ്യമന്ത്രി ദുബൈയില് പോയ സമയത്താണ് ബാഗ് കൊണ്ടുപോകാന് മറന്നത്. ഇത് ദുബൈയിലെത്തിക്കാന് ശിവശങ്കര് വിളിച്ചുപറഞ്ഞു. തുടര്ന്ന് നയതന്ത്ര ചാനല് വഴി ബാഗ് എത്തിച്ചു. സ്കാന് ചെയ്തപ്പോഴാണ് ഇത് മുഴുവന് കറന്സിയാണെന്ന് വ്യക്തമായതെന്നും സ്വപ്ന പറയുന്നു.
പല കാര്യങ്ങളും ഇനിയും പറയാനുണ്ടെന്നും കോടതിയുടെ പരിഗണനയിലുള്ള വിഷയമായതിനാല് ഇപ്പോള് വെളിപ്പെടുത്തുന്നില്ലെന്നും അവര് പറഞ്ഞു. ജീവന് ഭീഷണിയുള്ളതിനാലും വിഷയം കോടതിയുടെ പരിഗണനയിലുള്ളതിനാലുമാണ് ഇപ്പോള് സ്വമേധയാ രഹസ്യമൊഴി കോടതിയില് രേഖപ്പെടുത്തിയത്. ജീവന് ഭീഷണിയുണ്ടെന്നും വധിക്കപ്പെടുമെന്ന് ഭയമുള്ളതിനാല് സുരക്ഷ വേണമെന്ന് കോടതിയില് ആവശ്യപ്പെട്ടതായും സ്വപ്ന അറിയിച്ചു.
