തിരുവനന്തപുരം : സ്വര്ണ്ണക്കടത്ത് കേസില് മുഖ്യമന്ത്രിയ്ക്കും മറ്റു പ്രമുഖര്ക്കും എതിരെയുള്ള സ്വപ്ന സുരേഷിന്റെ രഹസ്യ മൊഴി ഇ.ഡിയുടെ ഡല്ഹി ഓഫീസ് നേരിട്ട് പരിശോധിക്കുമെന്ന് റിപ്പോര്ട്ട്. കേസില് കൂടുതല് വ്യക്തത വരുത്താന് സ്വപ്ന സുരേഷിനെ വീണ്ടും ചോദ്യം ചെയ്യുമെന്നും, പ്രതികളുടെ കാര്യത്തില് വ്യക്തത വരുത്തുമെന്നും ഇ.ഡി അറിയിച്ചിട്ടുണ്ട്.
മുഖ്യമന്ത്രി പിണറായി വിജയന്, ഭാര്യ കമല, മകള് വീണ, സെക്രട്ടറി സി.എം രവീന്ദ്രന്, നളിനി നെറ്റോ ഐ.എ.എസ്, മുന് പ്രിന്സിപ്പല് സെക്രട്ടറി എം.ശിവശങ്കര്, മുന് മന്ത്രി കെ.ടി ജലീല് എന്നിവര്ക്ക് സ്വര്ണ്ണക്കടത്ത് കേസില് നേരിട്ട് പങ്കുണ്ടെന്നാണ് സ്വപ്ന സുരേഷിന്റെ രഹസ്യമൊഴി. അതേസമയം, കോടതിയില് സ്വപ്ന നല്കിയ മൊഴിയും കേസിന്റെ തുടക്കത്തില് ഇ.ഡിയ്ക്ക് നല്കിയ മൊഴിയും വ്യത്യസ്തമായിരുന്നു. ഇതിനെ തുടര്ന്നാണ് കോടതിയില് നല്കിയ മൊഴി ഇ.ഡിയ്ക്കും നല്കാന് സ്വപ്ന തയ്യാറായത്.
