ന്യൂഡല്ഹി: മധുര പലഹാരങ്ങള് വാങ്ങുമ്പോള് ശ്രദ്ധിക്കുക. ‘ബെസ്റ്റ് ബിഫോര് ഡേറ്റ്’ നിര്ബന്ധമാക്കി ദേശീയ ഭക്ഷ്യ സുരക്ഷ അതോറിറ്റി. ഗുണമേന്മ ഇല്ലാത്ത മധുര പലഹാരങ്ങള് വ്യാപകമായതിനെ തുടര്ന്ന് ഒക്ടോബര് ഒന്ന് മുതല് രാജ്യവ്യാപകമായി ബെസ്റ്റ് ബിഫോര് ഡേറ്റ്’ നടപ്പാക്കും. മധുര പലഹാരം വിപണനം ചെയ്യുന്ന കടകളിലും ബെസ്റ്റ് ബിഫോര് ഡേറ്റ് പ്രദര്ശിപ്പിക്കണമെന്നും ദേശീയ ഭക്ഷ്യ സുരക്ഷ അതോറിറ്റിയുടെ നിര്ദ്ദേശമുണ്ട്.
ട്രേകളിലോ പാത്രങ്ങളിലോ വില്പനയ്ക്ക് വച്ചിരിക്കുന്ന മധുര പലഹാരങ്ങള്ക്കും ബെസ്റ്റ് ബിഫോര് ഡേറ്റ് നിര്ബന്ധമാണ്. കൂടാതെ പാക്ക് ചെയ്യാതെ വാങ്ങിക്കുന്ന മധുര പലഹാരങ്ങക്കും ഇത് ബാധകമാണ്. നിര്മാണ തീയതിയും പ്രദര്ശിപ്പിക്കാവുന്നതാണ്. എന്നാല് ഇത് നിര്ബന്ധമാക്കിയിട്ടില്ല. ദേശീയ ഭക്ഷ്യ സുരക്ഷ അതോറിറ്റിയുടെതാണ് തീരുമാനം. ഇതിലൂടെ ഭക്ഷ്യയോഗ്യമല്ലാത്ത മധുരപലഹാരങ്ങളുടെ വില്പന തടയുകയാണ് ലക്ഷ്യമെന്ന് ദേശീയ ഭക്ഷ്യ സുരക്ഷ അതോറിറ്റി വ്യക്തമാക്കി.
