പത്തനംതിട്ട : കേരളാ വ്യാപാരി വ്യവസായി ഏകോപന സമിതി സംസ്ഥാന പ്രസിഡന്റ് ടി നസിറുദ്ദീന്റെ നിര്യാണത്തിൽ ഏകോപനസമിതി പത്തനംതിട്ട മുനിസിപ്പൽ യൂണിറ്റ് അനുശോചനം രേഖപ്പെടുത്തി. യൂണിറ്റ് പ്രസിഡന്റ് ശശി ഐസക്ക് അധ്യക്ഷത വഹിച്ചു. ജനറൽ സെക്രട്ടറി ടി.ടി അഹമ്മദ് അനുശോചന പ്രമേയം അവതരിപ്പിച്ചു.
എൻ.എ നൈസാം, പ്രകാശ് ഇഞ്ചത്താനം, എം.എ. കെ ആസാദ്, റിയാസ്, അബു നവാസ് എന്നിവർ ടി നസിറുദ്ദീന്റെ ഓർമ്മകൾ പങ്കുവെച്ചു. കേരളത്തിലെ വ്യാപാരികൾക്ക് നിരവധി അവകാശങ്ങൾ നേടിക്കൊടുത്തത് ടി നസിറുദ്ദീന്റെ ശക്തമായ നേതൃത്വമായിരുന്നുവെന്നും അദ്ദേഹത്തിന്റെ വേർപാട് സംഘടനക്ക് തീരാനഷ്ടമാണെന്നും ശശി ഐസക് പറഞ്ഞു.
