പന്തളം : തട്ടയിൽ എൻ.എസ്.എസ് ഹയർ സെക്കന്ററി സ്കൂളില് നടന്ന പ്രതിഭ സംഗമവും മെറിറ്റ് അവാർഡ് വിതരണവും എൻ.എസ്.എസ് ഡയറക്ടർ ബോർഡ് മെമ്പര് പന്തളം ശിവൻകുട്ടി ഉദ്ഘാടനം ചെയ്തു. പി.റ്റി.എ പ്രസിഡന്റ് വിൽസൺ ബേബി അദ്ധ്യക്ഷത വഹിച്ചു. സംസ്ഥാന വനമിത്ര അവാർഡ് ജേതാവ് വി.ഹരിഗോവിന്ദ്, എസ്.എസ്. എൽ.സി, പ്ലസ് റ്റു പരീക്ഷകളില് ഉന്നത വിജയം നേടിയവര്, വിവിധ മേഖലകളിൽ പ്രതിഭകളായവർ എന്നിവരെ യോഗത്തില് അനുമോദിച്ചു.
പഞ്ചായത്ത് പ്രസിഡന്റ് ജെ.ശ്രീദേവി, ഹയർ സെക്കന്ററി ഡെപ്യൂട്ടി ഡയറക്ടർ കെ.സുധ, എൻ.എസ്.എസ് പ്രതിനിധി സഭാംഗം എ.കെ.വിജയൻ, പഞ്ചായത്ത് അംഗങ്ങളായ റ്റി.സി.സന്തോഷ് കുമാർ, ബിന്ദു എൽ., ലേഖ വി, എൻ.രാജേന്ദ്രബാബു, പ്രിൻസിപ്പാൾ ഡോ.സി.എം ഇന്ദുകല, ഹെഡ്മിസ്ട്രസ് മായ സി.ശേഖർ, ഹെഡ്മാസ്റ്റർ എസ്.ഗോപകുമാർ, ബീന ജി.നായർ എന്നിവർ പങ്കെടുത്തു.
