ചെന്നൈ: നടുറോഡില് ബൈക്കിലിരുന്ന് കുളിച്ച യുവാവിനെതിരെ പിഴ ചുമത്തി പോലീസ്. തമിഴ്നാട്ടിലെ റോഡിനടുത്തുള്ള പോലീസ് സൂപ്രണ്ട് ഓഫീസിന് സമീപമാണ് യുവാവിന്റെ പ്രകടനം നടന്നത്. യുവാവും സുഹൃത്തുമായി തിരക്കുള്ള റോഡിലൂടെ ബൈക്കിലെത്തി. ശേഷം സുഹൃത്ത് വാഹനത്തില് നിന്നിറങ്ങി ക്യാമറ ഓണ് ആക്കി. ബൈക്കിലിരുന്ന യുവാവ് തന്റെ വാഹനത്തില് ഒരു ബക്കറ്റില് വെള്ളം കരുതിയിരുന്നു. ഇദ്ദേഹം നടുറോഡില് വെച്ച് തന്നെ തന്റെ ശരീരത്തിലേക്ക് വെള്ളം കോരിയൊഴിച്ച് കുളിക്കാന് ആരംഭിച്ചു. ഇതോടെ റോഡിലുണ്ടായിരുന്നവരെല്ലാം യുവാവിനെ അദ്ഭുതത്തോടെ നോക്കാന് തുടങ്ങി.
ശേഷം യുവാവിന്റെ ബൈക്കിന് സമീപം നിന്നയാളും ബക്കറ്റില് നിന്ന് വെള്ളമെടുത്ത് യുവാവിന്റെ തലയിലേക്ക് ഒഴിച്ച് കൊടുത്തിരുന്നു. ഈ വീഡിയോയാണ് ഇപ്പോള് സോഷ്യല് മീഡിയയില് വൈറലാകുന്നത്. ആ സമയം ഡ്യൂട്ടിയിലുണ്ടായിരുന്ന ട്രാഫിക് പോലീസ് ഉദ്യോഗസ്ഥന് യുവാക്കളുടെ ഈ പ്രകടനം ശ്രദ്ധിച്ചിരുന്നു. തുടര്ന്ന് പോലീസുകാര് ചേര്ന്ന് ഈ രണ്ട് സുഹൃത്തുക്കളെയും അറസ്റ്റ് ചെയ്യുകയായിരുന്നു. ഈറോഡ് ജില്ലയിലെ വെള്ളോടി ഗ്രാമത്തില് നിന്നുള്ള യുവാവിനെയാണ് പോലീസ് അറസ്റ്റ് ചെയ്തത്. ഫാരൂ എന്നാണ് ഇയാളുടെ പേര്.
