കൊച്ചി : ചെലവന്നൂരില് വഴിയാത്രക്കാര്ക്ക് നേരെ ഉരുകിയ ടാര് ഒഴിച്ച് പൊള്ളിച്ച സംഭവത്തില് കസ്റ്റഡിയിലുള്ള പ്രതിയുടെ അറസ്റ്റ് രേഖപ്പെടുത്തി. യുവാക്കളുടെ ദേഹത്ത് ടാര് ഒഴിച്ച തൃപ്പൂണിത്തുറ സ്വദേശി കൃഷ്ണപ്പന്റെ അറസ്റ്റാണ് നിലവില് എറണാകുളം സൗത്ത് പോലീസ് രേഖപ്പെടുത്തിയത്. നരഹത്യ ശ്രമത്തിനാണ് പോലീസ് കേസെടുത്തിരിക്കുന്നത്.
ടി.ജെ.മത്തായി ആന്ഡ് കമ്പനിയിലെ കണ്ടാല് അറിയാവുന്ന നാല് പേര്ക്കെതിരെയാണ് പരിക്കേറ്റവരുടെ പരാതി. വാഹനയാത്രക്കാര് ആക്രമിച്ചപ്പോള് കയ്യിലുണ്ടായിരുന്ന ടാര് ഇവരുടെ ദേഹത്ത് വീണുവെന്നാണ് പ്രതികളുടെ വാദം. കൂടുതല് വ്യക്തതയ്ക്കായി സിസിടിവി അടക്കം പരിശോധിക്കാന് ഒരുങ്ങുകയാണ് പോലീസ്. ചെലവന്നൂര് സ്വദേശികളായ വിനോദ് വര്ഗീസ്, സഹോദരന് വിനു, സുഹൃത്ത് ജിജോ എന്നിവരുടെ ദേഹത്താണ് ഇന്നലെ ടാര് ഒഴിച്ചത്.
