മലപ്പുറം: സഹപാഠിയായ പെണ്കുട്ടിയോട് സംസാരിച്ചതിന് വിദ്യാര്ത്ഥിയെ അദ്ധ്യാപകൻ മര്ദിച്ചതായി പരാതി. മലപ്പുറം ഒഴുകൂര് ക്രസന്റ് ഹയര് സെക്കന്ററി സ്കൂളിലെ ഒമ്പതാം ക്ലാസ് വിദ്യാര്ത്ഥിക്കാണ് മര്ദനമേറ്റത്. സഹപാഠിയായ പെണ്കുട്ടിയോട് സംസാരിക്കുന്നതിന്റെ ചിത്രം പകര്ത്തിയ ശേഷമായിരുന്നു അദ്ധ്യാപകന്റെ മര്ദനമെന്ന് വിദ്യാര്ത്ഥി പറഞ്ഞു. സംഭവത്തില് ഒഴുകൂര് ക്രസന്റ് ഹയര് സെക്കന്ററി സ്കൂളിലെ സുബൈര് എന്ന അദ്ധ്യാപകനെതിരെ ചൈല്ഡ് ലൈനില് പരാതി നല്കിയിട്ടുണ്ട്. മര്ദനത്തെ തുടര്ന്ന് പരിക്കേറ്റ വിദ്യാര്ത്ഥി ഇപ്പോള് കൊണ്ടോട്ടി താലൂക്ക് ആശുപത്രിയില് ചികിത്സയിലാണ്.
ക്ലാസില് പഠിപ്പിക്കാത്ത അദ്ധ്യാപകനാണ് ഒരു കാരണവുമില്ലാതെ മര്ദിച്ചതെന്ന് കുട്ടിയുടെ മാതാവ് പറഞ്ഞു. ക്ലാസിലെ പെണ്കുട്ടിയോട് സംസാരിക്കുന്നതിനിടെ അദ്ധ്യാപകൻ മൊബൈലില് ചിത്രങ്ങള് പകര്ത്തി, മറ്റ് കുട്ടികള് നോക്കിനില്ക്കെ വളരെ മോശമായി സംസാരിച്ചുകൊണ്ട് കുട്ടിയെ പലതവണ തല്ലിയെന്നും അവര് പറഞ്ഞു. മര്ദനത്തില് മകന്റെ തുടയിലും മറ്റ് ശരീരഭാഗങ്ങളിലും പരിക്കേറ്റുവെന്നും മാതാവ് പറഞ്ഞു. എന്നാല് സംഭവം ശ്രദ്ധയില്പ്പെട്ടിട്ടുണ്ടെന്നും അദ്ധ്യാപകനില് നിന്ന് വിശദീകരണം തേടിയശേഷം തുടര്നടപടി സ്വീകരിക്കുമെന്നും സ്കൂള് അധികൃതര് അറിയിച്ചു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
