താനെ: ഫീസടക്കാത്തതിന് വിദ്യാര്ത്ഥികളെ ശിക്ഷിച്ച സ്വകാര്യ സ്കൂള് അധ്യാപികക്ക് സസ്പെന്ഷന്. മഹാരാഷ്ട്രയിലെ താനെയിലാണ് സംഭവം. ഭാവിയില് ഇത്തരത്തിലുള്ള ശിക്ഷകള് ആവര്ത്തിക്കരുതെന്ന് സ്കൂള് അധികൃതര്ക്ക് മുന്നറിയിപ്പ് നല്കിയിട്ടുണ്ട്. സ്കൂള് വിദ്യാര്ഥികളില് ഇത്തരത്തില് സമ്മര്ദ്ദമുണ്ടാക്കുന്നത് തെറ്റാണെന്നാണ് വിദ്യാഭ്യാസ ഓഫിസറുടെ നിര്ദ്ദേശം.
ഏപ്രില് 19 ന് ഫീസ് കൊണ്ടുവരാത്തതിനെ തുടര്ന്ന് വിദ്യാര്ത്ഥികളോട് അവരുടെ നോട്ട്ബുക്കില് 30 തവണ ‘നാളെ ഞാന് ഫീസ് കൊണ്ടുവരാന് മറക്കില്ല’ എന്ന് എഴുതാന് ആവശ്യപ്പെടുകയായിരുന്നു. സ്കൂളിലെ ആറാംക്ലാസ് അധ്യാപികക്കാണ് സസ്പെന്ഷന് ലഭിച്ചത്. അധ്യാപികയുടെ ശബ്ദസന്ദേശം സമൂഹമാധ്യമങ്ങളില് വ്യാപകമായി പ്രചരിച്ചതിനെ തുടര്ന്നാണ് താനെ മുനിസിപ്പല് കോര്പറേഷന് നടപടിയെടുക്കാന് ആവശ്യപ്പെട്ടത്.
