കോഴിക്കോട് : പ്രതിപക്ഷ നേതാവ് വി ഡി സതീശനെ തുറന്ന് കാട്ടാൻ വ്യത്യസ്ഥമായ പരിപാടിയുമായി എത്തിയിരിക്കുകയാണ് ഡി.വൈ.എഫ്.ഐ. പ്രതിപക്ഷ നേതാവ് വി ഡി സതീശൻ നടത്തുന്ന നുണപ്രചരണങ്ങളെ അടിസ്ഥാനമാക്കി ഡി.വൈ.എഫ്.ഐ കോഴിക്കോട് ജില്ലാ കമ്മിറ്റിയാണ് മത്സരം സംഘടിപ്പിച്ചത്. പുതിയ ബസ്സ് സ്റ്റാൻഡിൽ നടന്ന പരിപാടി ഡി.വൈ.എഫ്.ഐ സംസ്ഥാന പ്രസിഡൻ്റ് വി വസീഫ് ഉദ്ഘാടനം ചെയ്തു. സംസ്ഥാന സർക്കാരിനെതിരെ നുണപ്രചരണം നടത്തുന്ന സതീശനെ ജനമധ്യത്തിൽ തുറന്നുകാട്ടുക എന്ന ലക്ഷ്യത്തോടെയാണ് ഡി.വൈ.എഫ്.ഐ കോഴിക്കോട് ജില്ലാ കമ്മിറ്റി മത്സരം നടത്തിയത്.
വ്യത്യസ്തമായ പ്രതിഷേധ പരിപാടി കാണാനും കേൾക്കാനുമായി നിരവധി പേരാണ് കോഴിക്കോട് പുതിയ സറ്റാൻഡിൽ എത്തിയത്. കേരളത്തിലെ പരാജയപ്പെട്ട പ്രതിപക്ഷത്തെ ഡിവൈഎഫ്ഐ തുറന്നു കാട്ടുമെന്ന് സംസ്ഥാന പ്രസിഡന്റ് വി വസീഫ് പറഞ്ഞു. പ്രതിപക്ഷ നേതാവിന്റെ 17 കള്ളങ്ങൾ രണ്ട് മിനുട്ടിൽ പറഞ്ഞ ശ്രീനന്ദ ഒന്നാം സ്ഥാനം നേടി.
