പന്തളം: എല്ലാം ആഘോഷമാകുന്ന കാലത്ത് ഓണത്തിൻ്റെ മുഖമുദ്ര ആർദ്രതതയാകണമെന്ന് നോവലിസ്റ്റും മാധ്യമ പ്രവർത്തകനുമായ രവിവർമ്മ തമ്പുരാൻ പറഞ്ഞു. പൂഴിക്കാട് സംസ്കാര ആർട്സ് ആൻഡ് സ്പോർട്സ് ക്ലബ്ബിൻ്റെ ഓണാഘോഷത്തോടനുബന്ധിച്ചുള്ള സാംസ്കാരിക സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. ആർദ്രത നഷ്ടപ്പെടുന്ന സമൂഹത്തിൽ നിന്നും നന്മ ചോർന്നുപോകുമെന്നും അദ്ദേഹം പറഞ്ഞു. ക്ലബ്ബ് രക്ഷാധികാരി എം കെ സത്യൻ അധ്യക്ഷത വഹിച്ചു. വിദ്യാഭ്യാസ അവാർഡ് ദാനം കവി ഉണ്ണികൃഷ്ണൻ പൂഴിക്കാട് നിർവ്വഹിച്ചു. മികച്ച കർഷകരെ പീപ്പിൾസ് ലൈബ്രറി സെക്രട്ടറി റ്റി ശിവൻകുട്ടി ആദരിച്ചു.
മത്സരവിജയികൾക്ക് മുതിർന്ന മാധ്യമ പ്രവർത്തകൻ വി പി ശാമുവേൽ കുട്ടി സമ്മാനവിതരണം നടത്തി. നഗരസഭ കൗൺസിലർമാരായ വി ശോഭനകുമാരി, സീന കെ, ജില്ലാ ലൈബ്രറി കൗൺസിൽ അംഗം ബി പ്രദീപ്, താലൂക്ക് ലൈബ്രറി കൗൺസിൽ അംഗം എൻ പ്രദീപ് കുമാർ, വിമുക്തി ജില്ല മെൻ്റർ ഹരീഷ് കുമാർ വി, കെ കെ ദാമോധരൻ, എം കെ മുരളീധരൻ, പ്രവീൺ കുമാർ, ദിലീപ് കുമാർ ഡി, രതീഷ് ജനാർദ്ദനൻ, ശരൺലാൽ, അശ്വിൻ ശങ്കർ, സിദ്ധാർത്ഥി വി, രാഹുൽ ശശാങ്കൻ, വിനീഷ് പ്രസാദ് പ്രസംഗിച്ചു. തുടർന്ന് ക്ലബ്ബ് അംഗങ്ങളുടെ കലാപരിപാടികളും ചങ്ങനാശേരി കനി പാട്ടുകൂട്ടത്തിൻ്റെ നാടൻ പാട്ടും നടന്നു.
