കോട്ടയം : കുമരകം 13 –ാം വാർഡിൽ ടെസ്റ്റ് പോസിറ്റിവിറ്റി 100 ശതമാനം. അമ്പരന്ന് അധികൃതർ. ഇവിടെ നിന്നു പരിശോധനയ്ക്ക് എത്തിയ 8 പേർക്കും കോവിഡ് രോഗം സ്ഥിരീകരിച്ചു. കുമരകം പഞ്ചായത്തിൽ ടിപിആർ 51.70. ഇതേത്തുടർന്ന് ഇവിടെ പ്രതിരോധ പ്രവർത്തനങ്ങൾ ശക്തമാക്കി. 77 തദ്ദേശ സ്ഥാപനങ്ങളിൽ 70 ഇടത്തും ടിപിആർ 20 ശതമാനത്തിനു മുകളിലാണ്. മരങ്ങാട്ടുപിള്ളിയാണ് (43.23) രണ്ടാമത്.
തിരുവാർപ്പ് (39.79), കുറിച്ചി (38.66), വെച്ചൂർ (38.66), വെളിയന്നൂർ (36.03), തലയാഴം (35.71), ടിവി പുരം(34.58), നീണ്ടൂർ (34.40), മാടപ്പള്ളി (34.20), തലപ്പലം (34.20), പനച്ചിക്കാട് (34.12), മറവന്തുരുത്ത് (33.50), മണർകാട് (33.03),അതിരമ്പുഴ (32.81), ഉദയനാപുരം (32.23), കരൂർ (32.16), വാകത്താനം (32.07), ഈരാറ്റുപേട്ട (31.69), കല്ലറ(31.68), മുണ്ടക്കയം (31.45), രാമപുരം (30.96), ഏറ്റുമാനൂർ (30.48), കൂട്ടിക്കൽ (30.18) എന്നിവയാണ് പോസിറ്റിവിറ്റി നിരക്ക് ഉയർന്നു നിൽക്കുന്ന മറ്റു മേഖലകൾ.
22 പഞ്ചായത്തുകളിൽ ടിപിആർ നിരക്ക് കഴിഞ്ഞ ഒരാഴ്ചയ്ക്കിടെ നേരിയ തോതിൽ മാത്രമേ ഉയർന്നിട്ടുള്ളുവെന്നും 29 തദ്ദേശ സ്ഥാപനങ്ങളിൽ കാര്യമായ മാറ്റമില്ലാതെ തുടരുകയാണെന്നും കളക്ടർ എം. അഞ്ജന പറഞ്ഞു.