ആലപ്പുഴ :തദ്ദേശ തെരഞ്ഞെടുപ്പില് കൂടുതല് സീറ്റുകള് ആവശ്യപ്പെട്ട് യൂത്ത് കോണ്ഗ്രസ് ആലപ്പുഴ ജില്ലാ കമ്മിറ്റി. രാഷ്ട്രീയ നിലപാട് പ്രഖ്യാപന പ്രമേയത്തിലാണ് ആവശ്യം ഉന്നയിച്ചത്.
കൊവിഡ് മാഹാമാരിക്കാലത്ത് യൂത്ത് കോണ്ഗ്രസ് പ്രവര്ത്തകര് ചെയ്ത പ്രവര്ത്തനങ്ങള് ജനശ്രദ്ധ നേടിയിരുന്നു. കൂടാതെ സമരങ്ങളില് ലാത്തി ചാര്ജില് പരുക്ക് പറ്റിയതും കേസുകളില് പ്രതി ചേര്ക്കപ്പെട്ടതും യൂത്ത് കോണ്ഗ്രസ് പ്രവര്ത്തകരാണ്. അത്കൊണ്ട് തന്നെ ‘തല്ലുകൊള്ളാന് ചെണ്ടയും കാശ് വാങ്ങാന് ചെണ്ടക്കാരും’ എന്ന ശൈലി അനുവദിക്കേണ്ടെതില്ലെന്ന് ആലപ്പുഴ ജില്ലാ കമ്മിറ്റി അറിയിച്ചു.
കോണ്ഗ്രസില് 4 തവണ മത്സരിച്ചവരും 2 തവണ പരാജയപ്പെട്ടവരെയും മാറ്റി നിര്ത്തണമെന്നും പ്രമേയത്തില് ആവശ്യപ്പെട്ടു. ഇതിനു പുറമേ, ഘടകകക്ഷികള്ക്ക് ആവശ്യത്തില് കൂടുതല് പരിഗണന നല്കുന്നതില് അതൃപ്തിയും യൂത്ത് കോണ്ഗ്രസ് ജില്ലാ കമ്മിറ്റി ജില്ലാ കോണ്ഗ്രസ് നേതൃത്വത്തെ അറിയിച്ചു.