പത്തനംതിട്ട: ഒരു കൊലപാതകം കൂടി നടത്തിയാല് ഐശ്വര്യം വരും, വ്യാജസിദ്ധനായ റഷീദിന്റെ വാക്കുകള്. ബലി നടത്തിയിട്ടും നേട്ടങ്ങള് ലഭിക്കാത്തതില് പരാതി പറഞ്ഞ വൈദ്യനോടും ഭാര്യ ലൈലയോടും റഷീദ് പറഞ്ഞതിങ്ങനെ ആയിരുന്നു. അടുത്ത ബലിക്കായി റഷീദ് പത്തനംതിട്ടയിലെ തന്നെ ഒരുയുവതിയെ നോക്കി വെച്ചിരുന്നു. 22 വയസ്സുള്ള സംവരണ സമുദായത്തില്പ്പെട്ട യുവതിയെ ആണ് ഇയാള് നോട്ടമിട്ടിരുന്നതെന്നാണ് പുറത്തു വരുന്ന സൂചന.
ഇതന്റെ ആവശ്യത്തിലേയ്ക്കായി വൈദ്യന്റെ പക്കല് നിന്നും പണം വാങ്ങിയിരുന്നുവെന്നും വിവരങ്ങള് പുറത്തു വരുന്നുണ്ട്. കടത്തിണ്ണകളിലും ബസ് സ്റ്റാന്ഡിലും അന്തിയുറങ്ങുന്ന സ്ത്രീകളെയും തന്റെ ആവശ്യത്തിലേയ്ക്ക് ഉപയോഗിക്കാന് രാത്രികാലങ്ങളില് ഇലന്തൂരിലെത്തുന്ന റഷീദ് ചുറ്റി നടന്ന് ശ്രദ്ധിക്കാറുണ്ടായിരുന്നുവെന്നും വിവരങ്ങള് പുറത്തു വരുന്നുണ്ട്. കൊച്ചിയില് ലോട്ടറി വില്പ്പന നടത്തുന്ന തമിഴ്നാട് സ്വദേശി പദ്മ 49, കാലടിയില് ലോട്ടറി വില്പ്പന നടത്തുന്ന തൃശ്ശൂര് സ്വദേശി റോസിലി എന്നിവരെയാണ് റഷിദും വൈദ്യനും വൈദ്യന്റെ ഭാര്യയായ ലൈലയും ചേര്ന്ന് ദൈവപ്രീതിക്കായി നരബലി നടത്തിയത്.
ഇതിനു ശേഷം ഇലന്തൂരിലുള്ള വൈദ്യന്റെ വീട്ടുപറമ്പില് മൃതദേഹം കഷ്ണങ്ങളാക്കി കുഴിച്ചു മൂടുകയായിരുന്നു. എതാനും മണിക്കൂറുകള്ക്കു മുന്പ് മുറിച്ചു മാറ്റി കുഴിച്ചു മൂടിയ അവശിഷ്ടങ്ങള് പ്രതികള് കാണിച്ചു കൊടുത്ത സഥലങ്ങളില് നിന്ന് കണ്ടെടുത്ത് പോസ്റ്റ് മോര്ട്ടത്തിനായി കൊണ്ടു പോയിരുന്നു.
