ഹൈദരാബാദ്: പ്രണയാഭ്യർഥന നിരസിച്ച യുവതിയെ നടുറോഡിൽ കഴുത്തറത്തു കൊലപ്പെടുത്തി. പ്രതിയെ ആൾക്കൂട്ടം തല്ലികൊന്നു. തെലങ്കാനയിലെ ജഡ്ചേർലയിലാണ് നാടിനെ നടുക്കിയ സംഭവം.ജാഡ്ചെർലയിലെ ഒരു സ്വകാര്യ സ്കൂളിലെ റിസപ്ഷനിസ്റ്റായ വൈ വൈഷ്ണവി(21)യാണ് മരിച്ചത്. ശനിയാഴ്ച വൈകിട്ട് ജോലി കഴിഞ്ഞ് ബസിറങ്ങി വീട്ടിലേക്ക് നടക്കുകയായിരുന്ന വൈഷ്ണവിയെ പ്രതി പിന്തുടർന്ന് കഴുത്തറക്കുകയായിരുന്നു. യുവതി സംഭവസ്ഥലത്തുവെച്ച് തന്നെ മരിച്ചു.
പ്രണയത്തിന്റെ പേരിൽ പ്രതി കുറച്ചു നാളുകളായി പെൺകുട്ടിയെ പിന്തുടരുകയും ഉപദ്രവിക്കുകയും ചെയ്തുവരികയാണെന്ന് പോലീസ് പറഞ്ഞു. പ്രതി സംഭവസ്ഥലത്തുനിന്ന് ഓടിരക്ഷപ്പെടാൻ ശ്രമിച്ചെങ്കിലും നാട്ടുകാർ പിടികൂടി. തുടർന്ന് കെട്ടിയിട്ട് മർദിക്കുകയായിരുന്നു. മാരകമായി പരിക്കേറ്റ ഇയാൾ ചികിത്സയിലിരിക്കെ ശനിയാഴ്ച രാത്രി മരിച്ചു.പ്രതിയുടെ പേര് തേജ എന്നാണെന്നാണ് പോലീസ് നൽകുന്നവിവരം. യുവാവും കൊല്ലപ്പെട്ട യുവതിയും ഒരേസ്കൂളിൽ ജോലിചെയ്തിരുന്നവരാണെന്ന വിവരങ്ങളുണ്ട്.
