കരിപ്പൂര് : കോഴിക്കോട് കരിപ്പൂർ വിമാനത്താവളത്തില് വിമാനം പുറപ്പെടുന്നതിനിടെ പക്ഷി ഇടിച്ചു. ഇന്ഡിഗോയുടെ കോഴിക്കോട് – ബംഗളൂരു എ.ടി.ആര് 72 വിമാനത്തിലാണ് പക്ഷി ഇടിച്ചത്. തിങ്കളാഴ്ച ഉച്ചക്ക് 1.30ഓടെയാണ് സംഭവം. വിമാനം പുറപ്പെടാന് റണ്വേയിലെത്തിയപ്പോഴായിരുന്നു എന്ജിനില് പക്ഷി ഇടിച്ചത്.
പറന്ന് ഉയരുന്നതിന് മുമ്പായതിനാല് വലിയ അപകടം ഒഴിവായി. പിന്നീട് ബംഗളൂരുവില്നിന്നും മറ്റൊരു വിമാനം എത്തിച്ചാണ് ഇവരെ ബംഗളൂരുവില് എത്തിച്ചത്. ഉച്ചക്ക് 1.35ന് പുറപ്പെടേണ്ട വിമാനം വൈകീട്ട് 5.50ന് പുറപ്പെട്ട് രാത്രി ഏഴിനാണ് ബംഗളൂരുവിലെത്തിയത്. 67 പേരായിരുന്നു വിമാനത്തില് യാത്രക്കാരായി ഉണ്ടായിരുന്നത്.
