ഡല്ഹി: ഐഐടി ഖരക്പൂരിലെ ഹോസ്റ്റല് മുറിയില് വിദ്യാര്ത്ഥിയുടെ മൃതദേഹം അഴുകിയ നിലയില് കണ്ടെത്തി. 23കാരനായ വിദ്യാര്ത്ഥി ഫൈസാന് അഹമ്മദിന്റെ മൃതദേഹമാണ് ക്യാമ്പസില് ഇന്ന് കണ്ടെത്തിയത്. അസമിലെ ടിന്സൂക്കിയ സ്വദേശിയാണ് ഫൈസാന്. അടുത്തിടെയാണ് ഫൈസാന് ഹോസ്റ്റലിലേക്ക് മാറിയതെന്നാണ് ഐഐടി ഖരക്പൂരിലെ അധികൃതര് വിശദമാക്കുന്നത്.
മെക്കാനിക്കല് എന്ജിനിയറിംഗ് വിഭാഗത്തിലെ മൂന്നാം വര്ഷ വിദ്യാര്ത്ഥിയായിരുന്നു ഫൈസാന്. വിദ്യാര്ത്ഥിയുടെ മരണവിവരം ബന്ധുക്കളെ അറിയിച്ചതായി ഐഐടി അധികൃതര് വ്യക്തമാക്കി. ഫൈസാന്റെ മരണത്തില് അസം മുഖ്യമന്ത്രി ഹേമന്ദ് ബിശ്വ ശര്മ അനുശോചനം അറിയിച്ചു.
