തിരുവനന്തപുരം : കേരളത്തില് ഇന്ന് മുതല് ശക്തമായ മഴയ്ക്ക് സാധ്യതയെന്ന് കേന്ദ്ര കാലാവസ്ഥ വകുപ്പ്. കൊല്ലം, പത്തനംതിട്ട, കോട്ടയം, ഇടുക്കി, മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് ഇന്ന് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം, പാലക്കാട് ജില്ലകളില് യെല്ലോ അലര്ട്ട് ആണ്. ഉച്ചക്ക് ശേഷം, ഇടി മിന്നലോട് കൂടിയ മഴയ്ക്കാണ് സാധ്യത.
മലയോര മേഖലകളില് മഴ ശക്തമായേക്കും. ബംഗാള് ഉള്കടലില് ആന്ഡമാന് കടലില് ചക്രവാതചുഴി രൂപപ്പെടാനും ശക്തി പ്രാപിക്കാനും സാധ്യതയുണ്ട്. തിങ്കള്, ചൊവ്വ ദിവസങ്ങളില് മഴ കനക്കാനും സാധ്യതയുണ്ട്. വടക്കന് കര്ണാടക തീരങ്ങളില് ശക്തമായ കാറ്റിനും മോശം കാലാവസ്ഥയ്ക്കും സാധ്യത. മത്സ്യതൊഴിലാളികള് ജാഗ്രത പാലിക്കണം. കേരള-ലക്ഷദ്വീപ് തീരങ്ങളില് മത്സ്യബന്ധനത്തിന് തടസ്സമില്ല.
