അമരാവതി: ആന്ധ്രാപ്രദേശിലെ വിശാഖപട്ടണത്ത് വ്യാഴാഴ്ച രാവിലെ മൂന്ന് നില കെട്ടിടം തകര്ന്ന് മൂന്ന് പേര് മരിക്കുകയും അഞ്ച് പേര്ക്ക് പരിക്കേല്ക്കുകയും ചെയ്തു. മൂന്ന് നില കെട്ടിടം തകര്ന്നു വീണ് രണ്ട് കുട്ടികളുള്പ്പടെയാണ് മൂന്ന് പേര് മരിച്ചത്. ദുര്ഗ പ്രസാദ്(17), സഹോദരി അഞ്ജലി (15), ചോട്ടു (27) എന്നിവരാണ് മരിച്ചത്. അതേസമയം, പരിക്കേറ്റവരെ കെജി ആശുപത്രിയില് പ്രവേശിപ്പിച്ചു. ഇവരുടെ നില തൃപ്തികരമാണെന്ന് അധികൃതര് അറിയിച്ചു. പഴക്കമുള്ള കെട്ടിടം പുലര്ച്ചെ 1.30 ഓടെയാണ് തകര്ന്നതെന്ന് നാട്ടുകാര് പറഞ്ഞു.
രക്ഷാപ്രവര്ത്തനം പുരോഗമിക്കുകയാണ്. സമീപത്തെ കെട്ടിടത്തില് നടന്നുകൊണ്ടിരുന്ന പൈലിങ്ങ് മൂലം കെട്ടിടം തകര്ന്നു വീഴുകയായിരുന്നുവെന്നാണ് പ്രാഥമിക നിഗമനം. കെട്ടിടത്തിന്റെ ഉടമസ്ഥനെതിരെ പോലീസ് കേസെടുത്തിട്ടുണ്ട്. കെട്ടിടത്തിന് കേടുപാടുകളുണ്ടെന്നറിഞ്ഞിട്ടും ഇയാള് നിര്മാണപ്രവര്ത്തികള് തുടര്ന്നതായാണ് വിവരം.