ഡല്ഹി: കേരളത്തിന് രണ്ട് വന്ദേ ഭാരത് ട്രെയിനുകള് അനുവദിച്ച് കേന്ദ്രം. ഇതുമായി ബന്ധപ്പെട്ട വിവരങ്ങള് പ്രധാനമന്ത്രിയുടെ കാര്യാലയം അറിയിച്ചു. ഈ മാസം 24ന് കേരളത്തിലെത്തുന്ന പ്രധാനമന്ത്രി നരേന്ദ്ര മോദി ഇതുസംബന്ധിച്ച് പ്രഖ്യാപനം നടത്തുമെന്നാണ് വിവരം. യുവം പരിപാടി ഉദ്ഘാടനം ചെയ്യാനാണ് പ്രധാനമന്ത്രി കേരളത്തില് എത്തുന്നത്. പരിപാടിയോ യാടനുബന്ധിച്ച് പ്രധാനമന്ത്രി നരേന്ദ്ര മോദിയുടെ റോഡ് ഷോ കൊച്ചിയില് നടക്കും. പ്രധാന മന്ത്രിയുടെ കേരളത്തിലെ ആദ്യ റോഡ് ഷോയാണിത്. ഏപ്രില് 24ന് കൊച്ചി നേവല് ബെയ്സ് മുതല് തേവര സേക്രഡ് ഹാര്ട്ട് കോളജ് മൈതാനി വരെയാണ് പ്രധാനമന്ത്രിയുടെ റോഡ് ഷോ നടക്കുക.
വന്ദേ ഭാരതിന്റെ സര്വീസിനായുള്ള അറ്റകുറ്റ സൗകര്യങ്ങള് കൊച്ചുവേളിയില് പൂര്ത്തിയായി. തിരുവനന്തപുരം മുതല് കണ്ണൂര് വരെയാണ് വന്ദേ ഭാരതിന്റെ സര്വീസ്. എറണാകുളം മുതല് തിരുവനന്തപുരം വരെ മണിക്കൂറില് 75, 90, 100 കിലോമീറ്റര് എന്നിങ്ങനെയാണ് വേഗത. നഗരങ്ങളിലെ പ്രധാന കേന്ദ്രങ്ങളിലായിരിക്കും സ്റ്റോപ്പുകള്. വന്ദേ ഭാരതിനായി രണ്ട് പിറ്റ് ലൈനുകള് വൈദ്യുതീകരിച്ചിട്ടുണ്ട്. ഇരട്ടപ്പാതയുള്ളതിനാല് കോട്ടയം വഴിയാകും സര്വീസ് എന്നാണ് ലഭ്യമാകുന്ന വിവരം. യാത്രക്കാരുടെ വര്ധനവ് അനുസരിച്ച് കോച്ചുകളുടെ എണ്ണവും കൂട്ടിയേക്കും.
