മോസ്കോ : ക്യാൻസറിനുള്ള വാക്സിനുകൾ രാജ്യം ഉടൻ പുറത്തിറക്കുമെന്ന് റഷ്യൻ പ്രസിഡന്റ് വ്ലാഡിമിർ പുട്ടിൻ. വാക്സിനുകൾ അല്ലെങ്കിൽ ഇമ്മ്യൂണോ മോഡുലേറ്ററി മരുന്നുകൾ രോഗികൾക്ക് ലഭ്യമാക്കുന്നതിലേക്ക് റഷ്യൻ ശാസ്ത്രജ്ഞർ അടുത്തുവരികയാണെന്ന് പുട്ടിൻ പറഞ്ഞു.വൈകാതെ തന്നെ വ്യക്തിഗത ചികിത്സാ രീതികളിൽ ഇവ ഫലപ്രദമായി ഉപയോഗിക്കാനായേക്കുമെന്നും പുട്ടിൻ പ്രതീക്ഷ പങ്കുവച്ചു. എന്നാൽ, ഏത് തരത്തിലുള്ള ക്യാൻസറിനെയാണ് നിർദ്ദിഷ്ട വാക്സിനുകൾ ലക്ഷ്യമിടുന്നതെന്നോ അവ എങ്ങനെയാണ് പ്രവർത്തിക്കുന്നതെന്നോ പുട്ടിൻ വ്യക്തമാക്കിയിട്ടില്ല.
ലോകത്ത് നിരവധി കമ്പനികളാണ് ക്യാൻസർ വാക്സിനുകൾക്കായി പ്രവർത്തിക്കുന്നത്. വ്യക്തിഗത ക്യാൻസർ ചികിത്സകൾ ലഭ്യമാക്കുന്ന ക്ലിനിക്കൽ പരീക്ഷണങ്ങൾ ആരംഭിക്കാൻ ജർമ്മനി ആസ്ഥാനമായുള്ള ബയോഎൻടെക്കുമായി യു.കെ സർക്കാർ കഴിഞ്ഞ വർഷം കരാറിൽ ഒപ്പിടുകയും ചെയ്തിരുന്നു.
