കോന്നി : ആക്ഷൻ കൗൺസിൽ ഓഫ്‌ സ്റ്റേറ്റ് എംപ്ലോയീസ് ആൻഡ് ടീച്ചേഴ്സിന്റെയും അധ്യാപക സർവീസ് സംഘടനാ സമര സമിതിയുടെയും നേതൃത്വത്തിൽ ജനാധിപത്യ സംരക്ഷണ സദസ്സ് സംഘടിപ്പിച്ചു. പണിമുടക്ക് അവകാശം സംരക്ഷിക്കണമെന്ന് ആവശ്യപ്പെട്ടു നടത്തിയ സദസ്സ് കോന്നി മിനി സിവിൽ സ്റ്റേഷനിൽ കെ ജി ഒ എ സംസ്ഥാന വൈസ് പ്രസിഡന്റ് സുമ എ എസ് ഉദ്ഘാടനം ചെയ്തു.
വി പ്രേം കുമാർ അധ്യക്ഷത വഹിച്ചു. താലൂക്കിലെ വിവിധ ഓഫീസുകളിലും സ്‌കൂളുകളിലുമായി നടന്ന പരിപാടികൾ ജി ബിനു കുമാർ, എൻ ഡി വത്സല, ശൈലജ, സജീന്ദ്രൻ നായർ, എസ് ശ്യാം കുമാർ, അനീഷ്, ബി വിനോദ് കുമാർ, എസ് ശ്രീലത, കെ സതീഷ് കുമാർ, അനീഷ് പ്രഭാകർ, സുഗന്ധി എസ്, ഡേവിഡ് തോമസ് തുടങ്ങിയവർ ഉദ്ഘാടനം ചെയ്തു.
