കോന്നി : കോന്നി തണ്ണിത്തോട് റോഡിൽ ഞള്ളൂർ ഉത്തരകുമരംപേരൂർ ഫോറസ്റ്റ് സ്റ്റേഷൻ പരിധിയിൽ അപകട ഭീഷണിയായി നില നിന്നിരുന്ന മരങ്ങൾ വനം വകുപ്പ് മുറിച്ചു നീക്കി. 46 മരങ്ങൾ ആണ് മുറിച്ചു നീക്കിയത്. ഇതിൽ കൂടുതലും തേക്ക് മരങ്ങൾ ആണ്. തണ്ണിത്തോട്, ഉത്തരകുമരംപേരൂർ ഫോറസ്റ്റ് സ്റ്റേഷൻ പരിധികളിലായി 286 പാഴ്മരങ്ങൾ ആയിരുന്നു മുറിച്ചുമാറ്റുവാൻ ഉണ്ടായിരുന്നത്. 2023 ൽ മരങ്ങൾ മുറിച്ചു മാറ്റണം എന്നാവശ്യപ്പെട്ട് ഉന്നത ഉദ്യോഗസ്ഥർക്ക് റിപ്പോർട്ട് നൽകിയെങ്കിലും ഉത്തരവ് ലഭിക്കുവാൻ കാലതാമസം വന്നതിനെ തുടർന്ന് മുറിക്കുവാൻ സാധിച്ചിരുന്നില്ല. അനുമതി ലഭിച്ചതിനെ തുടർന്ന് ഞള്ളൂർ വന ഭാഗത്തെ മരങ്ങൾ മുറിച്ചു മാറ്റുകയായിരുന്നു. വട്ട അടക്കമുള്ള പാഴ്മരങ്ങൾ ഒടിഞ്ഞു വീഴുന്നത് വാഹനങ്ങൾക്കും യാത്രക്കാര്‍ക്കും അപകട ഭീഷണിയായിരുന്നു. കോന്നി താലൂക്ക് വികസന സമിതി യോഗത്തിൽ ഈ വിഷയങ്ങൾ ചർച്ച ചെയ്തിരുന്നു. ഞള്ളൂരിൽ നിന്ന് മുറിച്ചു മാറ്റിയ മരങ്ങൾ വനം വകുപ്പ് ഡിപ്പോയിലേക്ക് മാറ്റുമെന്ന് അധികൃതർ അറിയിച്ചു.
മലയാളത്തിലെ പ്രമുഖ ന്യൂസ് പോര്‍ട്ടലുകളില്‍ ഒന്നായ പത്തനംതിട്ട മീഡിയയില്‍ പ്രസിദ്ധീകരിക്കുവാനുള്ള വാര്‍ത്തകള്‍ ആര്‍ക്കും എവിടെനിന്നും നല്‍കാം. ഗൂഗിള്‍ മലയാളത്തില്‍ ടൈപ്പ് ചെയ്ത വാര്‍ത്തയോടൊപ്പം ഉചിതമായ ചിത്രവും നല്‍കേണ്ടതാണ്. വാര്‍ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്‍കണം. പത്രത്തില്‍ പ്രസിദ്ധീകരിച്ചതും കാലഹരണപ്പെട്ടതുമായ വാര്‍ത്തകള്‍ പ്രസിദ്ധീകരിക്കുന്നതല്ല. വാര്‍ത്തകള്‍ പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല്‍ ബോര്‍ഡില്‍ നിക്ഷിപ്തമായിരിക്കും. രഹസ്യ സ്വഭാവമുള്ള വാര്‍ത്തകളും വിവരങ്ങളും ചീഫ് എഡിറ്റര്‍ക്ക് കൈമാറാം. ഇന്‍ഫോര്‍മറെക്കുറിച്ചുള്ള വിവരങ്ങള്‍ അതീവ രഹസ്യമായി സൂക്ഷിക്കുന്നതാണ്.
———————–
വാര്‍ത്തകള്‍ നല്‍കുവാന്‍ വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്‍ട്ടലില്‍ പരസ്യം നല്‍കുവാന്‍ 702555 3033/ mail – [email protected]
———————-
ചീഫ് എഡിറ്റര്‍ – 94473 66263, 85471 98263, 0468 2333033
