റാന്നി: കനത്ത മഴ മൂലം വീട് ഇടിഞ്ഞു വീണു നിലംപതിച്ചു. അങ്ങാടി പുള്ളോലി കൊല്ലംപറമ്പിൽ ജയനുംകുടുംബവും താമസിച്ചിരുന്ന വീടാണ് ഇന്ന് വെളുപ്പിന് നാലു മണിയോടെ നിലം പതിച്ചത്. ഭിത്തി വെളിയിലേയ്ക്ക് തള്ളിയതു മൂലം ഓടും പട്ടികകളും വീട്ടിലുണ്ടായിരുന്നവരുടെ ശരീരത്തില് വീണിരുന്നു. ഗൃഹോപകരണങ്ങൾ ഉൾപ്പെടെ പതിനായിര കണക്കിനു രൂപയുടെ നഷ്ടം സംഭവിച്ചു. സംഭവത്തില് ആൾ അപായം ഇല്ല. അങ്ങാടി ഗ്രാമ പഞ്ചായത്ത് പ്രസിഡന്റ് ബിന്ദുറെജി, വില്ലേജ് ഓഫീസർ എസ് ജയരാജ്, വാര്ഡംഗം ബിച്ചു എന്നിവർ സ്ഥലം സന്ദർശിച്ചു.
