റാന്നി: മന്ദിരം-വടശേരിക്കര റൂട്ടില് ഇടക്കുളത്തിന് സമീപം വിവാഹ പാര്ട്ടി സഞ്ചരിച്ച ജീപ്പ് കാറുമായി കൂട്ടിയിടിച്ച് മറിഞ്ഞ് യാത്രക്കാര്ക്ക് പരിക്കേറ്റു. ജീപ്പിലെത്തിയ ബിനോയ് ജോസഫ്(50),റോസമ്മ (52),റോസ്ബിന് (30), ഷെറിന് (25) എന്നിവര്ക്കാണ് സാരമായി പരിക്കേറ്റത്. ഇതില് ബിനോയ്,ഷെറിന് എന്നിവരെ പാലാ മെഡിസിറ്റിയിലും റോസമ്മ,റോസ്ബിന് എന്നിവരെ കോട്ടയം മെഡിക്കല് കോളേജ് ആശുപത്രിയിലും പ്രവേശിപ്പിച്ചു. മുണ്ടക്കയം പീരുമേട് സ്വദേശികള് സഞ്ചരിച്ച ജീപ്പാണ് കാറുമായി കൂട്ടിയിടിച്ച് കുഴിയിലേക്ക് മറിഞ്ഞത്.ജീപ്പ് ഡ്രൈവര് ഉറങ്ങിയതാണ് അപകട കാരണമെന്നാണ് പറയുന്നത്.അപകടത്തില് പെട്ടവര് തണ്ണിത്തോടിന് പോയ ശേഷം വടശേരിക്കര ഭാഗത്തു നിന്നും വന്ന ജീപ്പും റാന്നിയില് നിന്നെത്തിയ കാറുമാണ് അപകടം ഉണ്ടാക്കിയത്.
