കൊച്ചി: ഹിന്ദി ചിത്രമായ ‘ദ കേരള സ്റ്റോറി’ എന്ന ചിത്രത്തിലൂടെ വിദ്വേഷം പ്രചരിപ്പിച്ച് കേരളത്തെ മോശമാക്കി ചിത്രീകരിക്കാനുള്ള ശ്രമത്തിനെതിരെ പ്രതിപക്ഷ നേതാവ് വി.ഡി സതീശന്. കേരളത്തിലെ 32,000 സ്ത്രീകളെ മതം മാറ്റി ഇസ്ലാമിക് സ്റ്റേറ്റില് അംഗങ്ങളാക്കിയെന്ന പച്ചക്കള്ളം പറയുന്ന ‘ദ കേരള സ്റ്റോറി’ എന്ന സിനിമയ്ക്ക് പ്രദര്ശനാനുമതി നല്കരുതെന്നും വി.ഡി സതീശന് പറഞ്ഞു.
ഇത് ആവിഷ്കാര സ്വാതന്ത്ര്യത്തിന്റെ പ്രശ്നമല്ല. ന്യൂനപക്ഷ വിഭാഗങ്ങളെ സംശയനിഴലിലാക്കി സമൂഹത്തില് വിഭാഗീയതയും ഭിന്നിപ്പും സൃഷ്ടിക്കുകയെന്ന സംഘപരിവാര് അജണ്ട നടപ്പാക്കാനുള്ള ശ്രമത്തിന്റെ ഭാഗമാണെന്ന് വി.ഡി സതീശന് ഫേസ് ബുക്കില് കുറിച്ചു. രാജ്യാന്തര തലത്തില് കേരളത്തെ അപമാനിക്കാനും അപകീര്ത്തിപ്പെടുത്താനുമാണ് സിനിമയിലൂടെ ശ്രമിക്കുന്നതെന്ന് വ്യക്തം. മാനവികത എന്ന വാക്കിന്റെ അര്ത്ഥം സംഘപരിവാറിന് ഒരിക്കലും മനസിലാകില്ല. വര്ഗീയതയുടെ വിഷംചീറ്റി കേരളത്തെ ഭിന്നിപ്പിക്കാമെന്ന് കരുതേണ്ടെന്നും സതീശന് കുറിച്ചു. സുദീപ്തോ സെന് ആണ് ചിത്രം സംവിധാനം ചെയ്തിരിക്കുന്നത്. ചിത്രത്തിന്റെ ട്രെയിലര് പുറത്തിറങ്ങിയപ്പോഴാണ് കേരളത്തിനെതിരെ കള്ളങ്ങള് പ്രചരിപ്പിക്കുന്നതായി ശ്രദ്ധയില്പ്പെടുന്നത്. ഒരു കേളേജിലെ മൂന്ന് യുവതികളെ സുഹൃത്ത് മതം മാറാന് പ്രേരിപ്പിക്കുന്നതും ഒടുവില് തീവ്രവാദ സംഘടനയായ ഐസിസില് ചേരുന്നതുമാണ് ചിത്രത്തിന്റെ ഇതിവൃത്തം എന്ന സൂചനകളാണ് ട്രെയ്ലര് തരുന്നത്. കേരളത്തില് നിന്ന് 32,000 സ്ത്രീകളെ കാണാതായി എന്നാണ് അണിയറ പ്രവര്ത്തകരുടെ വാദം. ഇതിനെതിരേ വ്യാപകമായി പ്രതിഷേധം ഉയര്ന്നിരിക്കുകയാണ്.
