തിരുവനന്തപുരം: ഷാരോണ് കൊലക്കേസിലെ പ്രതി ഗ്രീഷ്മയുടെ വീടിന്റെ പൂട്ട് തകര്ത്ത നിലയില്. ക്രൈംബ്രാഞ്ച് സംഘം സീല് ചെയ്ത കന്യാകുമാരി രാമവര്മന്ചിറയിലെ വീടിന്റെ പൂട്ടാണ് തകര്ത്തത്. വാതിലിന്റെ പൂട്ട് തകര്ത്ത ശേഷം അജ്ഞാതര് വീടിനകത്തേക്ക് പ്രവേശിച്ചിട്ടുണ്ടെന്നാണ് സംശയം. സംഭവത്തില് തമിഴ്നാട് പോലീസും കേരള പോലീസും സംയുക്തമായി അന്വേഷണം നടത്തും.
ഷാരോണ് കൊലക്കേസില് കഴിഞ്ഞ ദിവസം കോടതിയില് ഹാജരാക്കിയ മൂന്ന് പ്രതികളെയും പോലീസ് കസ്റ്റഡിയില് വിട്ടിരുന്നു. ഒന്നാംപ്രതി ഗ്രീഷ്മയെ ഏഴുദിവസത്തേക്കും രണ്ട്, മൂന്ന് പ്രതികളായ സിന്ധു, നിര്മല്കുമാര് എന്നിവരെ അഞ്ചുദിവസത്തേക്കുമാണ് കസ്റ്റഡിയില് വിട്ടത്. ഗ്രീഷ്മയുമായി രാമവര്മന്ചിറയിലെ വീട്ടില് തെളിവെടുപ്പ് നടത്തുന്നതിലടക്കം ശനിയാഴ്ച തീരുമാനമെടുക്കാനിരിക്കെയാണ് പോലീസ് സീല്ചെയ്ത വീടിന്റെ പൂട്ട് തകര്ത്ത നിലയില് കണ്ടത്.
