തിരുവനന്തപുരം : നരബലി ഉള്പ്പെടെയുള്ള അനാചാരങ്ങള് തടയാന് നിയമ നിര്മ്മാണം ഉടന് വേണമെന്ന് പ്രതിപക്ഷ നേതാവ് വി .ഡി. സതീശന്. അടിയന്തിര ഇടപെടലിന് സര്ക്കാരില് സമ്മര്ദം ചെലുത്തുമെന്നും അദ്ദേഹം പറഞ്ഞു. മലയാലപ്പുഴയില് പ്രായപൂർത്തിയാകാത്ത കുട്ടികളെ ഉപയോഗിച്ച് മന്ത്രവാദം നടത്തിയ സംഭവത്തില് പ്രതികരിക്കുകയായിരുന്നു അദ്ദേഹം.
മലയാലപ്പുഴയില് മന്ത്രവാദിനിയെയും ഭർത്താവിനെയുമാണ് കസ്റ്റഡിയിലെടുത്തത്. വിശദമായ ചോദ്യം ചെയ്യലിന് ശേഷമാകും ഏതെല്ലാം വകുപ്പുകൾ ചുമത്തുമെന്ന് തീരുമാനിക്കുകയെന്ന് പോലീസ് അറിയിച്ചു. മഠത്തിന് മുന്നിൽ പ്രതിഷേധവുമായി വിവിധ യുവജന സംഘടനകൾ രംഗത്തെത്തിയിരുന്നു. സ്ഥാപനം പൂട്ടുന്നത് വരെ നിരന്തരം സമരം ഉണ്ടാകുമെന്ന് ഡിവൈഎഫ്ഐ, കോണ്ഗ്രസ്, ബി.ജെ.പി പ്രവര്ത്തകര് പറഞ്ഞു.
