കോന്നി : കോന്നി പഞ്ചായത്ത് കമ്മിറ്റി പ്രതിപക്ഷ അംഗങ്ങൾ ബഹിഷ്കരിച്ച് പഞ്ചായത്ത് ഓഫീസിനു മുമ്പിൽ സമരം നടത്തി. കെ.എസ്.ആർ.ടി.സി ഡിപ്പോയുടെ പ്രവർത്തനം തടസ്സപ്പെടുത്താൻ കോന്നി പഞ്ചായത്ത് ഭരണ സമിതി ശ്രമിക്കുകയാണെന്ന് പ്രതിപക്ഷ അംഗങ്ങൾ ആരോപിച്ചു. ഭരണകക്ഷി അംഗങ്ങളുടെ വാർഡുകളിൽ കൂടുതൽ ഫണ്ട് നൽകുകയും പ്രതിപക്ഷ അംഗങ്ങളുടെ വാർഡുകളിൽ നാമമാത്രമായ ഫണ്ട് നല്കുകയും ചെയ്ത നടപടി തികച്ചും തെറ്റാണ്. പ്രതിപക്ഷ അംഗങ്ങളുടെ വാർഡുകളിലെ വഴിവിളക്കിന്റ അറ്റകുറ്റപ്പണികൾ പോലും ചെയ്യാൻ ഭരണ സമിതി തയ്യാറാകുന്നില്ല. പഞ്ചായത്ത് ഭരണസമിതിയുടെ പക്ഷപാതപരമായ നടപടികളില് പ്രതിഷേധിച്ചുകൊണ്ടായിരുന്നു സമരം. എൽഡിഎഫ് അംഗങ്ങളായ കെ ജി ഉദയകുമാർ, തുളസി മോഹൻ, പുഷ്പ ഉത്തമൻ, ജോയ്സ് എബ്രഹാം, ജിഷ ജയകുമാർ എന്നിവരാണ് സമരം നടത്തിയത്. ബിജെപി അംഗം സോമൻ പിള്ളയും പഞ്ചായത്ത് കമ്മിറ്റി ബഹിഷ്കരിച്ചു.
പത്തനംതിട്ട മീഡിയ ആപ്പ് ലോഞ്ച് ചെയ്തു – പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
