തിരുവനന്തപുരം : പോത്തന്‍കോട് പഞ്ചായത്തില്‍ മൂന്നാഴ്ച പൂര്‍ണ ക്വാറന്‍റൈന്‍ പ്രഖ്യാപിച്ചു. കൊവിഡ് ബാധിച്ച് മരിച്ച പോത്തൻകോട് സ്വദേശി അബ്ദുൾ അസീസിന്‍റെ നാട്ടുകാര്‍ എല്ലാവരും മൂന്നാഴ്ച ക്വാറന്റീനില്‍ കഴിയണമെന്ന് മന്ത്രി കടകംപിള്ളി സുരേന്ദ്രന്‍. പോത്തന്‍കോട് പഞ്ചായത്തിലും തിരുവനന്തപുരം കോര്‍പറേഷനിലെ അരിയോട്ടുകോണം, മേലേമുക്ക് പ്രദേശങ്ങളിലും ക്വാറന്‍റൈന്‍ ബാധകമാണ്. അണ്ടൂര്‍കോണം പഞ്ചായത്തില്‍ പോത്തന്‍കോടിനോടു ചേര്‍ന്ന പ്രദേശത്തും ക്വാറന്റീന്‍ പ്രഖ്യാപിച്ചു. അതേസമയം 60 വയസ്സു കഴിഞ്ഞവര്‍ പുറത്തിറങ്ങരുതെന്ന് ആരോഗ്യമന്ത്രി ആവശ്യപ്പെട്ടു
രോഗബാധിതനായി അതീവ ഗുരുതരാവസ്ഥയില്‍ തിരുവനന്തപുരം മെഡിക്കല്‍ കോളേജില്‍ ചികിത്സയിലായിരുന്ന തിരുവനന്തപുരം പോത്തന്‍കോട് വാവറമ്പലത്ത് അബ്ദുല്‍ അസീസ് മരിച്ചു. 68 വയസായിരുന്നു. ഇന്നലെ അര്‍ധരാത്രിയാണ് മരണം.
