പത്തനംതിട്ട : കേരള യൂത്ത് ഫ്രണ്ട് (എം)പത്തനംതിട്ട ജില്ലാ കമ്മിറ്റിയുടെ നേതൃത്വത്തിൽ ചോളമണ്ഡലം ഫിനാൻസ് ധനകാര്യ സ്ഥാപനത്തിലേക്ക് പ്രതിഷേധ മാർച്ച് നടത്തി. ഇന്ന് രാവിലെ കൊല്ലം ചവറയിൽ നിർദ്ധനരായ കുടുംബത്തിന് നേരെ ചോളമണ്ഡലം ഫിനാൻസ് അധികാരികൾ നടത്തിയ അതിക്രമങ്ങൾക്കെതിരെ പ്രതിഷേധിച്ചാണ് കേരള യൂത്ത് ഫ്രണ്ട് (എം) പത്തനംതിട്ട ജില്ലാ കമ്മറ്റിയുടെ നേതൃത്വത്തിൽ പ്രതിഷേധ മാർച്ച് സംഘടിപ്പിച്ചത്.
തിരിച്ചടവു മുടങ്ങിയതിന്റെ പേരിൽ നിർധനരായ ആളുകൾക്ക് നേരെ ബാങ്ക് അധികൃതർ നടത്തുന്ന അതിക്രമങ്ങൾക്ക് എതിരെ ശക്തമായി പോരാടുമെന്ന് കേരള യൂത്ത് ഫ്രണ്ട് പത്തനംതിട്ട ജില്ലാ കമ്മിറ്റി ആരോപിച്ചു. സർഫാസി നിയമത്തെ മറയാക്കി അതിനെ വളച്ചൊടിച്ച് സ്വകാര്യ ധനകാര്യസ്ഥാപനങ്ങളുടെ അധികാരികൾ കടുത്ത സാമ്പത്തിക പ്രതിസന്ധി നേരിടുന്ന പാവപ്പെട്ട ആളുകൾക്ക് നേരെ നടത്തുന്ന നീച പ്രവർത്തികൾ വച്ചുപൊറുപ്പിക്കില്ല എന്നും കേരള യൂത്ത് ഫ്രണ്ട് (എം) ജില്ലാ കമ്മിറ്റി പറഞ്ഞു.
യൂത്ത് ഫ്രണ്ട്(എം) ജില്ലാ പ്രസിഡന്റ് ശ്രീ. മാത്യു നൈനാൻ ഉദ്ഘാടനം ചെയ്തു. ജില്ലാ കമ്മിറ്റി അംഗം ഹാൻലി ജോൺ അധ്യക്ഷത വഹിച്ചു. റിന്റോ തോപ്പിൽ, ജോൺ വി തോമസ്, സിറിൽ സി മാത്യു, ശരൺ നമ്പൂതിരി, ആരോൺ എബി, ഭരത് രാജ്, ജോമോൻ ജോസ്,അനൂപ്, ജിനു,ജേക്കബ്, മത്തായി, ജസ്റ്റിൻ ജെയ്സൺ എന്നിവർ പ്രസംഗിച്ചു.