റാന്നി : പഴവങ്ങാടി കല്യാണിമുക്കില് വീട്ടില് നിന്നും പെരുമ്പാമ്പിനെ പിടികൂടി. പുത്തന്വീട്ടില് ഗോപിയുടെ വീട്ടുമുറ്റത്തെ കോഴി കൂട്ടില് നിന്നും ഇന്നു രാവിലെ പതിനൊന്നു മണിയോടെയാണ് പെരുമ്പാമ്പിനെ പിടി കൂടിയത്. ഇരുപത്തിയഞ്ചു കിലോ തൂക്കവും ആറടിയോളം നീളവും ഉള്ള പാമ്പിനെയാണ് പിടികൂടിയത്. രണ്ടു കോഴികളെ വിഴുങ്ങിയ ശേഷമാണ് പാമ്പിനെ വീട്ടുകാര് കാണുന്നത്. ഇതേ കോഴി കൂട്ടില് നിന്നും മുമ്പ് മൂര്ഖന് പാമ്പിനേയും ഇതു പോലെ പിടികൂടിയിരുന്നു. വനംവകുപ്പിന്റെ ആര്.ആര്.ടി റാന്നി ടീം എത്തി പിടികൂടിയ പാമ്പിനെ ശബരിമല വനത്തില് തുറന്നു വിട്ടു.
