കണ്ണൂര്: തലശേരിയില് കടല്പ്പാലത്തില് കാറ്റുകൊള്ളാന് പോയ ദമ്പതികള്ക്ക് നേരേ പോലീസ് സദാചാര ആക്രമണം നടത്തി എന്ന ആരോപണത്തില് അന്വേഷണ റിപ്പോര്ട്ട് പുറത്തുവന്നു. പോലീസിന് വീഴ്ച്ച സംഭവിച്ചിട്ടില്ലെന്നാണ് തലശേരി എ സിയുടെ റിപ്പോര്ട്ട്. സ്റ്റേഷനിലെ സി സി ടി വിയില് പോലീസ് പ്രത്യുഷിനെ മര്ദിക്കുന്ന ദൃശ്യങ്ങള് ഇല്ല. കടല് പാലത്തില് വെച്ച് മേഘയെ അറസ്റ്റ് ചെയ്യുമ്പോള് വനിത പോലീസ് ഉണ്ടായിരുന്നതായും റിപ്പോര്ട്ടില് പറയുന്നു. കേസിലെ ഒന്നാം പ്രതി പ്രത്യുഷിനെ അറസ്റ്റ് ചെയ്യുമ്പോഴും അതിന് ശേഷവും ഉള്ളത് ഒരേ മുറിവാണെന്നും റിപ്പോര്ട്ടില് പറയുന്നു.
സ്റ്റേഷനില് കൊണ്ടുപോയി പോലീസ് മര്ദിച്ചുവെന്ന് പ്രത്യുഷ് പറഞ്ഞിരുന്നു. റിപ്പോര്ട്ട് കണ്ണൂര് സിറ്റി പോലീസ് കമ്മീഷ്ണര് ആര്. ഇളങ്കോ ഡി ഐ ജിക്ക് കൈമാറി. കഴിഞ്ഞാഴ്ചയാണ് തലശ്ശേരിയില് കടല്പ്പാലം കാണാന് പോയ പ്രത്യുഷും ഭാര്യ മേഘയും പോലീസിന്റെ സദാചാര ആക്രമണത്തിന് ഇരകളായത്. രാത്രി കടല്പ്പാലം കാണാനെത്തിയ ഇരുവരെയും പോലീസ് ചോദ്യം ചെയ്യുകയും അപമര്യാദയായി പെരുമാറുകയുമായിരുന്നെന്നാണ് പരാതി. ഇത് ചോദ്യം ചെയ്തതോടെ പ്രത്യുഷിനെ മര്ദ്ദിക്കുകയും കേസെടുക്കുകയും ചെയ്തെന്ന് ഭാര്യ മേഘ ആരോപിച്ചിരുന്നു.
തലശ്ശേരിയില് ദമ്പതികള്ക്ക് നേരെ പോലീസ് അതിക്രമം നടത്തിയ സംഭവത്തില് നിര്ണായക മെഡിക്കല് രേഖകള് കഴിഞ്ഞ ദിവസം പുറത്തുവന്നിരുന്നു. പോലീസ് കേസില് പ്രതിയാക്കി ജയിലില് അടച്ച പ്രത്യുഷിന് ദേഹമാസകലം പരിക്കേറ്റെന്ന് തെളിയിക്കുന്ന മെഡിക്കല് രേഖകളായിരുന്നു ഇത്. പ്രത്യുഷാണ് തങ്ങളെ ആക്രമിച്ചതെന്ന പോലീസ് വാദം തെറ്റാണെന്ന് തെളിയിക്കുന്നതാണ് ഈ റിപ്പോര്ട്ട്. പ്രത്യുഷിന് ദേഹമാസകലം പരിക്കേറ്റു എന്ന് വൂണ്ട് സര്ട്ടിഫിക്കറ്റില് വ്യക്തമാക്കുന്നു. ഇടത് കണ്ണിന് താഴെ രക്തം കല്ലിച്ച നിലയിലാണ്. ഇവിടെ ചതവുണ്ട്. ഇടത് കാലിനും വലത് മുട്ടിന് താഴെയും തോളിനും പരിക്കേറ്റ പാടുകളുണ്ട്. വലത് കൈയ്ക്ക് ചതവും ഇടത് കൈയിലും നെഞ്ചിലും പുറക് വശത്തും ഉരഞ്ഞ പാടുകളും ഉണ്ട്.
പ്രത്യുഷിനെ പൊലീസ് മുഷ്ടി ചുരുട്ടി ഇടിച്ചെന്നും ബൂട്ട് കൊണ്ട് ചവിട്ടി എന്നുമായിരുന്നു ഭാര്യയുടെ പരാതി. പോലീസ് അകാരണമായി മര്ദ്ദിക്കുകയും അസഭ്യ വര്ഷം നടത്തുകയുമായിരുന്നുവെന്ന് കാണിച്ച് പ്രത്യുഷിന്റെ ഭാര്യ മേഘ മനുഷ്യാവകാശ കമ്മീഷനും വനിത കമ്മീഷനും പരാതി നല്കിയിട്ടുണ്ട്. പോലീസിനെ ആക്രമിച്ചു, കൃത്യനിര്വഹണം തടസ്സപ്പെടുത്തി എന്നീ വകുപ്പുകള് ചുമത്തിയാണ് തലശ്ശേരി പോലീസ് പ്രത്യുഷിനെതിരെ കേസെടുത്തിരുന്നത്. കേസില് പ്രത്യുഷിനും മേഘയ്ക്കും ജാമ്യം ലഭിച്ചിരുന്നു.
പ്രത്യുഷിനെ പോലീസ് മുഷ്ടി ചുരുട്ടി ഇടിച്ചെന്നും ബൂട്ട് കൊണ്ട് ചവിട്ടി എന്നുമായിരുന്നു ഭാര്യയുടെ പരാതി. പോലീസ് അകാരണമായി മര്ദ്ദിക്കുകയും അസഭ്യ വര്ഷം നടത്തുകയുമായിരുന്നുവെന്ന് കാണിച്ച് മേഘ മനുഷ്യാവകാശ കമ്മീഷനും വനിത കമ്മീഷനും പരാതി നല്കിയിട്ടുണ്ട്. കേസില് തലശ്ശേരി ഇന്സ്പെക്ടര്ക്കും എസ്ഐക്കുമെതിരെ വകുപ്പുതല അന്വേഷണം നടത്തിയിരുന്നു. എന്നാല് ഇരുവരെയും വെള്ളപൂശുന്ന വിധത്തിലാണ് റിപ്പോര്ട്ടു പുറത്തുവന്നത്.
