ഇടുക്കി: ചിന്നക്കനാല് ആദിവാസി പുനരധിവാസ മേഖലയിലെ കൈയേറ്റം ഒഴിപ്പിച്ച് റവന്യൂ വകുപ്പ്. സ്വകാര്യ വ്യക്തികള് കൈവശപ്പെടുത്തിയ ആദിവാസി പുനരധിവാസ പദ്ധതിയില്പ്പെട്ട 13 ഏക്കര് സ്ഥലമാണ് റവന്യൂ വകുപ്പ് ഏറ്റെടുത്തത്. ഇടുക്കിയിലെ കൈയേറ്റങ്ങള്ക്കെതിരേ കര്ശന നടപടിയുമായി മുന്നോട്ട് പോവുകയാണ് റവന്യൂ വകുപ്പ്. പതിമൂന്ന് ഏക്കറോളം ഭൂമിയാണ് ഒഴുപ്പിച്ചെടുത്ത് റവന്യൂ വകുപ്പ് ബോര്ഡ് സ്ഥാപിച്ചത്. ചിന്നക്കനാലിലെ കൈയേറ്റം പൂണമായി ഒഴുപ്പിച്ച് സര്ക്കാര് ഭൂമികള് സംരക്ഷിക്കുന്നതിനുള്ള നടപടികളുമായാണ് റവന്യൂ വകുപ്പ് രംഗത്തെത്തിയിരിക്കുന്നത്.
എല്.സി മത്തായി കൂനം മാക്കല്, പി. ജയപാല് എന്നിവര് കൈയേറി കൈവശപ്പെടുത്തിയ ചിന്നക്കനാല് താവളത്തിലെ ബ്ലോക്ക് നമ്പര് എട്ടില്പ്പെട്ട റീ സര്വേ നമ്പര് 178 ല് ഉള്പ്പെട്ട പതിമൂന്ന് ഏക്കറോണ് ഒഴുപ്പിച്ചെടുത്തത്. അതേസമയം നേരത്തെ കൈയേറ്റത്തിനെതിരേ നടപടിയുമായിട്ടെത്തിയ റവന്യൂ വകുപ്പിനെതിരേ കൈയേറ്റക്കാര് ഹൈക്കോടതിയെ സമീപിച്ചിരുന്നു.
